English
Favourite
Favourite
UrduShayarUrduShayar
Expand menu
Sign inAccount

Tags-Cruelty

tabqoñ meñ rañg-o-nasl ke uljhā ke rakh diyā
ye zulm aadmī ne kiyā aadmī ke saath
Ghazal
 itna hai zindagi ka talluq KHushi ke sath
kyā badī kā faroġh thā 'bedī'
ham se logoñ pe zulm Dhaa.e ga.e
Ghazal
 apni tajwiz par ganwae gae
mohlat hī kab milī ki sambhal paate ham 'qamar'
ham par to jitne zulm hue nā-gahāñ hue
Ghazal
 phir se tere nuqush nazar pe ayan hue
māna-e-zulm hai taġhāful-e-yār
baḳht-e-bad ko ḳhabar na ho jaa.e
Ghazal
 sabr wahshat-asar na ho jae
ab to āñkhoñ se aañsū bhī bahte nahīñ
zulm jab un kā had se sivā ho gayā
Ghazal
 baat kuchh bhi na thi kyun KHafa ho gaya
husn hai mashġhala-e-zulm ko gahrā parda
pas-e-parda hai añdherā mujhe ma.alūm na thā
Ghazal
 wada sachcha hai ki jhuTa mujhe malum na tha
ye zulm hai ki mire shahar kā jo qātil hai
hazār jaan se vo dostī ke qābil hai
Ghazal
 ye zulm hai ki mere shahar ka jo qatil hai
ab na.e zulm to ījād nahīñ hone ke
sāhibā ham koī fariyād nahīñ hone ke
Ghazal
 mil ke ek bar use yaad nahin hone ke
ahl-e-junūñ pe zulm hai pābandī-e-rusūm
jaada hamāre vāste kāñTā hai raah kā
Ghazal
 wasf-e-jamal-e-zauq hai ahl-e-nigah ka
merā sabr aur tire zulm-o-sitam tol sake
kaash ījād meñ aisā bhī tarāzū aa.e
Ghazal
 ishq ke daur mein kuchh aise bhi pahlu aae
zulm ke sail-e-ḳhūñ meñ ik din zālim bhī bah jaatā hai
lashkar mar jaatā hai aur behtar zinda rahte haiñ
Ghazal
 mehnat koshish aur wafa ke KHugar zinda rahte hain
uThā.e sau tarah ke zulm aur jaur-o-jafā tere
kahā shābāsh bhī tū ne na merī istaqāmat ko
Ghazal
 saba kahiyo zabani meri Tuk us sarw-qamat ko
kyā zulm hai ki tū hai asiir aur baaġh meñ
kaliyāñ nikāltī haiñ na.e rañg andalīb
Ghazal
 wo chahchahe na wo teri aahang andalib
laakh zamāna zulm Dhaa.e vaqt na vo ḳhudā dikhā.e
jab mujhe ho yaqīñ ki tū hāsil-e-zindagī nahīñ
Ghazal
 parastish-e-gham ka shukriya kya tujhe aagahi nahin
tū kis ḳhayāl meñ kis soch meñ hai fikr na kar
ki merā zaḳhm tirā zulm chhup to saktā hai
Ghazal
 wahan to rose sitara naya chamakta hai
mujh par na karo zulm tum ai laili-e-ḳhūbāñ
majnūñ huuñ tire ġham kuuñ bayābāñ suuñ kahūñgā
Ghazal
 tujh lab ki sifat lal-e-badaKHshan sun kahunga
baḌhnī hai abhī aur bhī mazlūm kī tāqat
ghaTnī hai abhī zulm kī kuchh tāb-o-tavāñ aur
Ghazal
 taKHliq pe fitrat ki guzarta hai guman aur
jo hai ḳhudā kā aadmī us kī hai saltanat alag
zulm ne zulm se agar haath milā liyā to kyā
Ghazal
 dil hi the hum dukhe hue tumne dukha liya to kya
kal jahāñ zulm ne kaaTī thiiñ saroñ kī fasleñ
nam huī hai to usī ḳhaak se lashkar niklā
Ghazal
 jis ko mana tha KHuda KHak ka paikar nikla
kisī bhī zulm pe koī bhī kuchh na kahtā thā
na jaane kaun sī jaañ thī jo itnī pyārī thī
Ghazal
 jo din tha ek musibat to raat bhaari thi
Top Urdushayar.com