Tags-Cruelty

abhī kuchh hai baaqī nishān-e-nasheman
kaho barq se aur abhī zulm Dhaa.e

Dūbnā apnā muqaddar thā magar zulm hai ye
bah ga.e ek hī rele meñ tamāshā.ī tak

zulm hai ye to ki dil lījiye aur rahiye ḳhafā
kahīñ insāf zamāne meñ rahā hai ki nahīñ

vo rahīm hai vo karīm hai vo nahīñ ki zulm kare sadā
hai yaqīñ zamāne ko dekh kar ki yahāñ ḳhudā koī aur hai

jiine meñ kyā kashish hai magar dekhte haiñ ham
kitnī tumhāre zulm kī rassī darāz hai

to kyā ab zulm had se baḌh gayā hai
jo koī ab talak royā nahīñ hai

dekho ham ne apnī jānoñ par kyā zulm kiyā hai
phuul sā chehra chāñd sā paikar pīchhe chhoḌ aa.e haiñ

ḳhūgar-e-zulm-o-jaur ko shikva-e-iltifāt hai
qalb se uTh ke chhā ga.ī ġham kī ghaTā nigāh meñ

zulm sahte hue insānoñ ke is maqtal meñ
koī fardā ke tasavvur se kahāñ tak bahle

jo umar bhar zulm se laḌā sindbād ban kar
use zamāne ne kyā diyā hai hameñ pata hai

pūchheñ tire zulm kā sabab ham
itne to nahīñ haiñ be-adab ham

shahr ko barbād kar ke rakh diyā us ne 'munīr'
shahr par ye zulm mere naam par us ne kiyā

zulm kī raat bahut jald Talegī ab to
aag chūlhoñ meñ har ik roz jalegī ab to

arbāb-e-mohabbat par tum zulm ke baanī ho
ye varna mohabbat ke dastūr nahīñ hote

sar qalam karte rahe zulm ke haath
yaar logoñ ne muqaddar jaanā

ai zulm ke aur sitam ke baanī
ai shoḳh jafā-shi.ār ayyār

jo karte haiñ ḳhūn-ḳharāba zulm-o-sitam
un ke bhī dil meñ thoḌā Dar de maulā

zulm-o-sitam ho ḳhatm na ho dahshat-gardī
amn-o-amāñ kī yuuñ bārish kar de maulā

zulm-o-jaur ai shab-e-hijrāñ na huā thā so huā
ḳhāna-e-gor meñ mehmāñ na huā thā so huā

mire ba.ad sahegā na koī bhī ġham na uThegā kisī se ye rañj-o-alam
karo tark tum aaj se zulm-o-sitam tumheñ apnī hī mehr-o-vafā kī qasam