Tags-Cruelty

abhī to mutma.in ho zulm kā parda hai ḳhāmoshī
agar kuchh muñh se bol uThThā ye dīvāna to kyā hogā

ye kis ke zulm se har shai hai misl-e-sañg ḳhamosh
ai naqsh-gar dar-e-shahr-e-ḳharāb khol ke dekh

paas aa kar gurez karte ho
zulm hai ye mirī murādoñ par

mun.im ne banā zulm kī rakh ghar to banāyā
par aap koī raat hī mehmān rahegā

ham ko divāna jaan ke kyā kyā zulm na Dhāyā logoñ ne
diin chhuḌāyā dharm chhuḌāyā des chhuḌāyā logoñ ne

sitam hai zulm hai un kī taraf se
mohabbat hai vafā hai aur maiñ huuñ

asīrān-e-qafas sehn-e-chaman ko yaad karte haiñ
bhalā bulbul pe yuuñ bhī zulm ai sayyād karte haiñ

tārīḳh ki rahī hai ki miTtā nahīñ hai zulm
muḳhtār-e-kul batā tirā sansār kyā kare

jaane kyā kyā zulm parinde dekh ke aate haiñ
shaam Dhale peḌoñ par marsiya-ḳhvānī hotī hai

zulm par bāñdhī hai phir sayyād-o-gulchīñ ne kamar
qaid-e-bulbul kī hai gulshan meñ pukār ab ke baras

hazāroñ zulm hoñ mazlūm par to chup rahe duniyā
agar mazlūm kuchh bole to dahshat-gard kahtī hai

ḳhudā tumhārā nahīñ hai ḳhudā hamārā hai
use zamīn pe ye zulm kab gavārā hai

dil hamārā hai ki ham mā.il-e-fariyād nahīñ
varna kyā zulm nahīñ kaun sī bedād nahīñ

ham un ke jaur-o-zulm se bach kar raheñ kahāñ
kis jā ye āsmān nahīñ ye zamīñ nahīñ

rukā na zulm mire raakh banñe par bhī 'riyāz'
huā kī ḳhū to vahī hai mujhe jalā kar bhī

zulm aur sabr kā ye khel mukammal ho jaa.e
us ko ḳhanjar jo diyā hai mujhe sar bhī denā

sar par havā-e-zulm chale sau jatan ke saath
apnī kulāh kaj hai usī bāñkpan ke saath

har zulm par kiyā hai zamāne se ehtijāj
kuchh bhī na ban paḌā to mazammat zarūr kī

rahī na mujh meñ sakat zarā bhī ki zulm tere sahūñ musalsal
milegā kyā tujh ko ai sitamgar ġhamoñ kā yuuñ azhdahām kar ke

ik umr guzārī thī ham ne mazlūmoñ kī hī himāyat meñ
jab gosha-nashīnī kī Thānī phir zulm ke maare aa pahuñche