Tags-Dard

na phuul huuñ na sitāra huuñ aur na sho.ala huuñ
guhar huuñ dard kā aur ashk ban ke rahtā huuñ

dard kī had se guzarnā to abhī baaqī hai
TuuT kar merā bikharnā to abhī baaqī hai

uTho dard kī justujū kar ke dekheñ
talāsh-e-sukūn-e-tabī.at kahāñ tak

mirī hayāt thī ḳhushiyoñ se ham-kanār magar
hue haiñ dard munazzim tire havāle se

na kuchh ziyāda na kuchh kam tire havāle se
vahī hai dard kā aalam tire havāle se

baḌh gayā aur rañg-e-istiġhnā
dard-e-dil kah ke apnī baat ga.ī

va.ade ne tere saare irāde badal diye
hālāñki dard-e-dil meñ zarā bhī kamī nahīñ

hañsne meñ bhī nihāñ haiñ yahāñ nāla-hā-e-dard
pāmāl rasm-e-ijz mirī bandagī nahīñ

dard to kam nahīñ magar us ne
ḳhūgar-e-zabt kar diyā hai mujhe

al-amāñ al-amāñ al-hazar al-hazar al-amāñ al-hazar terī nīchī nazar
tiir ban kar jigar meñ utar jā.egī dard kī Tiis rag rag meñ bhar jā.egī

ab aisā zubūñ bhī to nahīñ haal hamārā
hai zaḳhm ayaañ dard-e-nihānī se ziyāda

ham dard kā afsāna sunāte use kyūñ-kar
zāhir meñ jo apnā thā par apnā to nahīñ thā

dard-e-mahrūmī-e-jāved bhī ik daulat hai
ahl-e-ġham bhī tire sharminda-e-ehsāñ nikle

kuchh to chāragarī kare koī
aaj kuchh dard meñ kamī sī hai

ba-faiz-e-dard-e-mohabbat maiñ ḳhush nasab, maiñ najīb!
mirā qabīla tirā ġham, mirā nasab tirī yaad

dard kā diip jaltā rahā dil kā sonā pighaltā rahā
ek Duube hue chāñd ne raat bhar ḳhuuñ rulāyā mujhe

ranj-e-firāq bhī hai nashāt-e-visāl bhī
huuñ saath saath dard ke darmāñ liye hue

jaa.eñ kahāñ ham aap kā armāñ liye hue
dard-e-firāq-o-kāvish-e-hijrāñ liye hue

ḳhāmushī to ilāj-e-dard nahīñ
baat bantī nahīñ hai aap se aap

jab dard-e-dil baḌhā to unheñ rahm aa gayā
paidā huī chamak to chamakne lagā nasīb