Tags-Dard

charāġh-e-hijr se ubhrī hai ik dhueñ kī lakīr
so dard bujh gayā hai aur malāl rah gayā hai

sehr kiyā e.ajāz kiyā hai dard kā sho.ala barf banā hai
tark-e-mohabbat ham ko mubārak kyuuñ nāhaq pachhtā.eñ aap

dard kī lazzat se nā-vāqif ḳhushbū se mānūs na thā
mere ghar kī miTTī se vo shaḳhs bahut begāna thā

hai tamannā-e-sukūñ dil ko to 'qaisī' kī tarah
halqa-e-dard-e-mohabbat-zadagāñ meñ aa jā

tujhe siine se lagā luuñ tujhe dil meñ rakh luuñ
dard kī chhāñv meñ zaḳhmoñ kī amaañ meñ aa jā

maiñ ham-nafasāñ jism huuñ vo jaañ kī tarah thā
maiñ dard huuñ vo dard ke unvāñ kī tarah thā

ye dard hī mirā chāra hai tum ko kyā ma.alūm
haTāo haath maiñ bīmār rahnā chāhtā huñ

matā-e-dard ko āḳhir kahāñ kahāñ rakhte
so mere ganj-e-girāñ-māya-e-hunar meñ rahe

us bazm meñ nahīñ koī āgāh-e-dard kab
vaañ ḳhanda zer-e-lab idhar ashk-e-nihāñ nahīñ

faqr par īsār se haiñ mutma.in rūh-o-zamīr
dard-e-dil hai ḳhaas maḳhzan ishq kī jāgīr kā

fuġhān-e-dard laboñ par na aa.iyo zinhār
mirī salīqa-shi.ārī pe baat aatī hai

mutma.in huuñ maiñ ki ho jā.egā sāmān-e-sukūñ
dard baḌhtā jā.egā ārām hotā jā.egā

us jān-e-hayā kā bas nahīñ kuchh be-bas hai parā.e bas meñ hai
be-dard diloñ ko kyā hai ḳhabar jo pyaar yahāñ aapas meñ hai

jo na samjheñ dard kyā hai dard kā ehsās kyā
kab tak un ke vāste 'bāsit' ġhazal-ḳhvāñ haa.e haa.e

dil pe dard-e-ishq kā ek ek ehsāñ haa.e haa.e
jaan kī sūrat meñ koī dushman-e-jāñ haa.e haa.e

'naqsh' dard-e-qaum hai qalb o jigar meñ shola-zan
jazba-e-ahl-e-vatan kī tarjumāñ hai zindagī

hai kise ab zindagī ke dard-e-pinhāñ kī ḳhabar
apnī barbādī kī ḳhud hī rāz-dāñ hai zindagī

talḳhī-e-hālāt-e-daurāñ kā bayāñ hai zindagī
dard-o-ġham kī ik musalsal dāstāñ hai zindagī

kyuuñ hijr ke shikve kartā hai kyuuñ dard ke rone rotā hai
ab ishq kiyā to sabr bhī kar is meñ to yahī kuchh hotā hai

ai rūh-e-dard-o-shād ye terā hī faiz hai
'jauhar' jo is adā se ġhazal-ḳhvāñ hai āj-kal