Tags-Dard

mujhe dard dil kā vahāñ le gayā
jahāñ dar khule the tilismāt ke

dard kī ik mauj har ḳhvāhish bahā kar le ga.ī
kyā Thahartīñ bastiyāñ paanī hī be-andāza thā

vo bhī kyā din the ki āshiq the tumhāre ham bhī
ab to fariyād-o-fuġhāñ dard-o-alam bhuul ga.e

vo kahāñ dard jo dil meñ tire mahdūd rahā
dard vo hai jo dil-e-kaun-o-makāñ tak pahuñche

ham ga.e the us se karne shikva-e-dard-e-firāq
muskurā kar us ne dekhā sab gila jaatā rahā

un ko ehsās-e-dard-e-dil kaisā
mar bhī jā.ūñ to aañkh tar na kareñ

āḳhirī baar uThānā hai mujhe dard kā baar
āḳhirī baar mohabbat kī duhā.ī dūñgī

na vo dil hai ab na javāniyāñ na vo āshiqī kī kahāniyāñ
na vo ġham na ashk-fishāniyāñ na vo dard-e-dil kā nishāñ rahā

hotā chalā aayā hai be-dard zamāne meñ
sachchā.ī kī rāhoñ meñ kāñTe sabhī bote haiñ

kasrat-e-jaur-e-yār se sab haiñ ye mere juzv-e-tan
soz-o-malāl-o-yās-o-dard ranj-o-ġham-o-mehan huuñ maiñ

dard bhī sahnā tabassum bhī laboñ par rakhnā
marhabā ishq hameñ bhī ye hunar aa gayā hai

dard kī shāḳh pe ik taaza samar aa gayā hai
kis kī aamad hai 'ziyā' kaun nazar aa gayā hai

ye sadī dard-e-zachgī se karāh rahī hai
aur maiñ tavārīḳh ke shātirāna sehn meñ

zamāna ho gayā hai ḳhvāb dekhe
lahū meñ dard kā shab-tāb dekhe

ḳhūgar ho dard kā ki yahī hai ilāj-e-dard
ye kis ke bas kā rog hai us kī davā na maañg

ḳharāb-e-dard hue ġham-parastiyoñ meñ rahe
ḳhushī kī khoj bahāna thī mastiyoñ meñ rahe

dard ko daulat-e-sāhab-nazarāñ kahtā huuñ
ġham ko sarmāya-e-īsā-nafasāñ kahtā huuñ

hañs kar aañsū piine vaale dard baTāne vaale log
baad hamāre tum DhūñDoge naaz uThāne vaale log

kyā jānoñ lazzat-e-dard us kī jarāhatoñ kī
ye jānoñ huuñ ki siina sab chaak ho gayā hai

ehsās kī talḳhiyoñ meñ Dhal kar
dil dard kā chāñd ban gayā hai