Tags-Dard

ai mehrbāñ tabīb shitābī ilaaj kar
tere birah ke dard siiñ hai dil meñ suul aaj

kahtā hai shoḳh-e-tuñd-ḳhū taab nahīñ dimāġh ko
bā.is-e-dard-e-sar na ho bū-e-libās-e-sandalī

donoñ hī ajnabī the magar TuuT kar mile
maiñ dard-āshnā vo sitāra-shanās thā

dard kā har ek ke ehsās kāñTā hī sahī
ye vo kāñTā hai jise dil meñ chubhonā paḌ gayā

aaj apnī mahfil meñ hai balā kā sannāTā
dard hai na taskīñ hai hosh hai na mastī hai

talḳhi-e-ġham se na pal bhar ke liye fursat milī
umr bhar go chāra-e-dard-e-jigar hotā rahā

dhīmā dhīmā dard suhānā ham ko achchhā lagtā thā
dukhte jī ko aur dukhānā ham ko achchhā lagtā thā

maiñ dard-e-furqat se jāñ-ba-lab huuñ tumheñ yaqīn-e-vafā nahīñ hai
mujhe nahīñ e'tibār apnā tumheñ nahīñ e'tibār merā

mire josh-e-junūñ kā ye tanhā safar, ai chāragaro tumheñ kyā hai ḳhabar
mire paas hai jo bhī ye dard-e-hunar, use tum mere hī naam likho

hai ye pur-dard dāstāñ 'mahrūm'
kyā sunā.eñ kisī ko haal apnā

dukh-bharā shahr kā manzar kabhī tabdīl bhī ho
dard ko had se guzarte koī kab tak dekhe

tum ko logo abhī bhāñgḌa chāhiye
dard kī zindagī kā tarāna ġhazal

kis dard se kisī ne kahā aaj bazm meñ
achchhā ye hai vo nañg-e-mohabbat yahīñ rahe

dard-o-ġham-e-firāq ke ye saḳht marhale
hairāñ huuñ maiñ ki phir bhī tum itne hasīñ rahe

merī zabāñ pe shikva-e-dard-āfrīñ rahe
shāyad mire havās Thikāne nahīñ rahe

juz dard-o-dāġh tū ne na chhoḌā nishān haif
rakhūñgā mehmān inheñ umr bhar ko maiñ

hotā na dil meñ dard to kartā na haa.e haa.e
detā na tuul yuuñ suḳhan-e-muḳhtasar ko maiñ

gahre suroñ meñ arz-e-navā-e-hayāt kar
siine pe ek dard kī sil rakh ke baat kar

muhīt hañgāma-e-āfāq par hai
sadā-e-dard jo dil meñ palī thī

na chhoḌā sard jhoñkoñ ne vafā ko
jo shāḳh-e-dard kī tanhā kalī thī