Tags-Dard

Dūbnā Thahrā to phir kachche ghaḌe kī shart kyā
vo sadā kā sañg-dil dard-āshnā kyūñkar huā

mutma.in rahte haiñ tūfān-e-masā.ib meñ kabhī
Duub jaate haiñ kabhī dard kī ik lahr se log

tum apne marīz-e-ġham-e-hijrāñ kī ḳhabar lo
sauñpā hai agar dard to darmāñ kī ḳhabar lo

kahtā hai yahī tum se 'shu.ūr'-e-jigar-afgār
sauñpā hai agar dard to darmāñ kī ḳhabar lo

dard thā dil meñ to jiine kā maza miltā thā
ab to bīmār se bad-tar huuñ maiñ achchhā ho kar

vafā kī rāhoñ pe chal paḌe ho to dekho dil ko sambhāle rakhnā
qadam qadam dard-e-nā-rasā.ī yahāñ thakan kā hisāb kaisā

TaTolā hai unhoñ ne dil ko aksar
magar pahuñche nahīñ dard-e-nihāñ tak

kisī dard-āshnā lamhe ke naqsh-e-pā sajā lenā
akele ghar ko kahnā apnā ghar āsāñ nahīñ hotā

'anvar' ne badle jaan ke lī jins-e-dard-e-dil
aur is pe naaz ye ki ye saudā garāñ na thā

dard jā.egā to kuchh kuchh jā.egā par dekhnā
chain jab jā.egā to saarā kā saarā jā.egā

dard-e-dil ishq meñ hai kaahe se sekūñ maiñ 'zarīf'
na falālīn hī miltī hai na bānāt mujhe

choT khaa.ī hai bār-hā lekin
aaj to dard hai ajab koī

na ġham-e-zindagī na dard-e-firāq
dil meñ yūñhī sī hai talab koī

bas-ki dil meñ rahī ik kashmakash yās-o-ummīd
dard jo dil meñ rahā jaan se bezār rahā

mauja-e-ḳhūñ kisī siine meñ rukā thā kal raat
dard uThtā rahā chubhtā rahā dukhtā rahā dil

is ishq ke dard kī kaun davā magar ek vazīfa hai ek duā
paḌho 'mīr'-o-'kabīr' ke bait kabit suno sher-e-'nazīr' faqīr-o-ġhanī

kyā qahr barastā hai dil par sāvan kī shaboñ meñ kyā kahiye
kuchh dard kī phuvāreñ hotī haiñ kuchh yaas ke jhāle hote haiñ

ye dard-e-junūñ ye soz-e-jigar in kaifiyatoñ ke gird 'aḳhtar'
tasḳhīr ke halqe hoñ ki na hoñ taqdīs ke haale hote haiñ