Tags-Dard

jab se majrūh huī lazzat-e-ehsās-e-alam
dard meñ ġham meñ taḌapne meñ mazā kuchh bhī nahīñ

ek dard-e-judā.ī kā ġham kyā kareñ
kis maraz kī davā hai tire shahr meñ

kyā uslūb chuneñ kis Dhab iz.hār kareñ
Tiis na.ī hai dard purānā lagtā hai

jo patiñgā lau pe fidā huā to taḌap ke sham.a ne ye kahā
ise mere dard se kyā ġharaz ye to raushnī kā ġhulām hai

zehn kī khiḌkī khulī dil kā darīcha vā huā
tab jahāñ ke dard se rishta mirā gahrā huā

mire dard bhare in sheroñ par
phir log kaheñge vaah piyā

bastī kī ye ūñchī havelī dard kī chādar meñ lipTī
jaane kis ko dekh rahī hai barsoñ se vīrān paḌī

paḌī hai gahre dukh kī zarb dil par
mukammal jis se dard-e-sar gayā hai

har dard-e-mohabbat se uljhā hai ġham-e-hastī
kyā kyā hameñ yaad aayā jab bhī tirī aa.ī

mil hī aate haiñ use aisā bhī kyā ho jā.egā
bas yahī na dard kuchh dil kā savā ho jā.egā

dil dard-e-judā.ī se taḌaptā hai har ik pal
huuñ bhiiḌ meñ logoñ ke magar terī kamī hai

tasvīr-e-ġham-o-dard banī jaatī huuñ ab to
kaisī mire mālik mirī taqdīr likhī hai

yā vasl ho yā maut koī tarah to hove
kab tak rahūñ pāmāl maiñ is dard-o-alam kā

musībat kā ta.alluq ham se kuchh bhī ho to rāhat hai
mire dil ko ḳhudā vo dard de jis kī davā tum ho

dhaḌkan kā dard jism ko taḌpā ke rah gayā
rag rag meñ ek shor-e-masīhā bapā na thaa!

pahuñchā huuñ us ke dard kī gahrā.ī tak 'shakīl'
uljhe hue se chand savāloñ kī raah se

dard meñ Duubī fazā aaj bahut hai shāyad
ġham-zada raat hai taare nahīñ achchhe lagte

'ravāñ' tū kahāñ aur kahāñ dard-e-ishq
tujhe kyā ye mard-e-ḳhudā ho gayā

ishq kyā dard hai ḳhudāvandā
koī dārū-davā mufīd nahīñ

zaḳhm bharne meñ vaqt lagtā hai
dard ke aur vaar rahne de