Tags-Dard

apne hī ḳhuuñ meñ nahātā hai har ik saañs ke saath
dil mirā dil thā kisī dard kā ghar hone tak

dard kī daulat-e-bedār atā ho saaqī
ham bahī-ḳhvāh sabhī ke haiñ bhalā ho saaqī

lo 'sho.eb' aa hī gayā qāfila-e-dard ke saath
jān-o-dil tum bhī kahīñ aaj na haaro logo

idhar to dard kā pyāla chhalakne vaalā hai
magar vo kahte haiñ ye dāstān kuchh kam hai

na shīsha-e-mai huuñ na 'hasan' sāġhar-e-labrez
maiñ ik dil-e-pur-dard huuñ aur dīda-e-tar huuñ

bayān-e-dard-e-mohabbat jo baar baar na ho
koī naqāb tire ruḳh kī parda-dār na ho

jam.a kar ke dard saare tū ne paidā dil kiyā
kah tū ai dast-e-qazā is se kyā hāsil kiyā

de diyā dard mujh ko dil ke evaz
haa.e lutf-e-sitam-shi.ār na pūchh

paas meñ rah ke nigāhoñ se bachā.e rakhnā
apne dukh-dard ko apnoñ se chhupā.e rakhnā

kab Thahregā dard ai dil kab raat basar hogī
sunte the vo ā.eñge sunte the sahar hogī

apne maazī ke har ik ġham ko bhulā de varna
choT phir ubhregī phir dard purānā hogā

har ghaḌī ik nayā taqāzā hai
dard-e-sar ban gayā badan merā

dastak meñ koī dard kī ḳhushbū zarūr thī
darvāza kholne ke liye ghar kā ghar uThā

laḌkhaḌātā huā aayā hai mizha tak aañsū
rāste kaise dil-e-dard-nishāñ meñ hoñge

kyuuñ nāhaq le kar baiTh ga.e ġham-hā-e-musalsal kā qissa
vo dard kī qīmat kyā jāneñ vo dil kī jalan kyā samjheñge

kyā dukh hai hameñ kyā ġham hai hameñ kyuuñ jaa.eñ kisī se kahne ko
kaliyoñ kī jau izzat kar na sake vo dard-e-chaman kyā samjheñge

utrā bhī to kab dard kā chaḌhtā huā dariyā
jab kashtī-e-jāñ maut ke sāhil se lagī thī

ai dil tire āshob ne phir hashr jagāyā
bedard abhī aañkh bhī mushkil se lagī thī

ik tirā dard hai tanhā.ī hai rusvā.ī hai
tiin lafzoñ meñ mirī ziist simaT aa.ī hai

is dard kī maarī duniyā meñ aise insāñ kyuuñ baste haiñ
jo saarī umar zarūrat kī chīzoñ ke liye bhī taraste haiñ