Tags-Dard

sajā hai sheroñ meñ dard 'mīnā'
ġhazal ke lahje kī 'mīr' huuñ maiñ

dard apnā thā to is dard ko ḳhud sahnā thā
na kisī aur se dukh apnā kabhī kahnā thā

dard-e-sar kho diyā sabīhoñ kā
sandal-e-sub.h kā hai taḳhta peT

vo tire dard kī gahrā.ī kahīñ dekh na le
nauha-e-zaḳhm ko mahrūm-e-zabāñ rahne de

nahīñ ye dard nahīñ ye zarūr hai kuchh aur
ki us meñ to mujhe ārām bhī nahīñ hotā

nishāt-o-dard meñ dekhā hai maiñ ne 'darshan' ko
har ek haal meñ shādāñ haiñ tere dīvāne

na apne hosh kī parvā na apne dard kā fikr
ġham-e-zamīñ se pareshāñ haiñ tere dīvāne

dard ke biij bo liye rañj-o-alam ugā liye
ishq meñ dil kī maan kar ham ne ye gul khilā liye

kar diyā bedār jis ne sākinān-e-arsh ko
vo kisī dard-āshnā dil kī sadā thī maiñ na thā

kahīñ uTh ke jā.ūñ maiñ kyuuñ 'fanā' ki payām us kā milā mujhe
jo milā kabhī to milegā vo mujhe dard-e-dil ke maqām se

harf-e-ġham-e-nā-paid hai āñkhoñ meñ nam nāpaid hai
dard kā sail-e-ravāñ hai rāstā koī nahīñ

shohrat-e-be-asarī koī miTā.e kyuuñ kar
ho na dard aah meñ to koī havā kyā bāñdhe

dard-e-dil vo hai ki rāhat se sarokār nahīñ
tāqat-e-sabr nahīñ quvvat-e-guftār nahīñ

dard kā phir maza hai jab 'aḳhtar'
dard ḳhud chārasāz ho jaa.e

hai nafas nafas farozāñ hai mizha mizha charāġhāñ
baḌī dhuum se uThī haiñ ġham-o-dard kī barāteñ

dil meñ uThte rahe yādoñ ke bagūle 'tishna'
mujh meñ simTā huā ik dard kā sahrā niklā

ye ahl-e-dard bhī kis kī duhā.ī dete haiñ
vo chup bhī ho to zamāna hai ham-navā us kā

kuchh aise dard se furqat meñ maiñ ne haath uThā.e haiñ
duā bhī kāmyābī kī duā.eñ māñgtī hogī

kamāl-e-sūrat-e-be-dard se tanaffur hai
na dekheñ ham kabhī us gul ko jis meñ ḳhaar na ho

husn tire huzūr ḳhud aa.e ba-iztirāb-e-dil
ai dil-e-dard-āshnā aisī bhī ek aah kar