Tags-Dard

sab ko saaqī ne nahīñ baḳhshā dil-e-dard-āshnā
jitne ahl-e-zarf the utne hī paimāne bane

nāra-e-zulf-e-sanam shart-e-junūñ kyā ma.anī
dard rusvā hī sahī ishq jahāñgīr sahī

'tābish' sukūn-e-dard se taskīn-e-marg tak
dil ho agar to laakh haiñ pahlū qarār ke

ye kis manzil pe le aa.ī tamannā
ki bas ik dard-e-tanhā.ī hai mahram

zinda rahnā siikh kar bhī maiñ ne shāyad
zindagī ko durd-e-tah tak

tamām umr na.e lafz kī talāsh rahī
kitāb-e-dard kā mazmūñ thā pā.emāl aisā

dard-o-karb se hashr bapā hoñToñ pe tabassum hai 'aḳhtar'
dil kā aalam kuchh bhī rahe āñkheñ to magar namnāk nahīñ

merī bhī hikāyat hai vahī dil-zadagī kī
par dard ke unvān meñ mazmūn-e-judā huuñ

barsoñ purāne dard na aTkheliyāñ kareñ
ab to na.e ġhamoñ ke satā.e hue haiñ log

ye terā zarf ki tū phir bhī bad-gumāñ na huā
sivā.e dard ke maiñ ne tujhe diyā kyā hai

kabhī jo mil na sakī us ḳhushī kā hāsil hai
ye dard hī to mirī zindagī kā hāsil hai

hamāre shahr-e-dard-ābād meñ lohū ke aañsū se
vahāñ kā daar jab suulī diyā mansūr ro detā

kaisī talāsh kis kī tamannā kahāñ kā shauq
uljhe hue haiñ lazzat-e-dard-e-nihāñ se ham

matā-e-dard numū ke safar meñ hai shāmil
kalī bahār meñ vaise jalī nahīñ jaatī

har ek dard kā darmāñ hai log kahte haiñ
magar vo dard 'na.īmī' jo ḳhud masīhā de

kyā kaheñ mahfil se terī kyā uThā kar le ga.e
ham matā-e-dard ko tanhā uThā kar le ga.e

haiñ apnī hī niyyat ke phal talḳh-o-shīrīñ
vagarna maza dard kā ek hī hai

ab to zanjīr-e-ta.alluq hai na vo rishta-e-dard
maiñ vo ḳhush-baḳht ki paayā hai zamāna aisā

dard-e-ulfat kī hasīñ tashkīl meñ
imtizāj sho.ala-o-shabnam huā

rāt-din aañsū bahe mātam huā
dard furqat kā na lekin kam huā