Tags-Dard

mirā dard naġhma-e-be-sadā
mirī zaat zarā-e-be-nishāñ

vo bhī to mazā chakkheñ kuchh dard mohabbat kā
achchhā hai ki dil le kar maiñ saaf mukar jā.ūñ

dharm kabhī bedard nahīñ hai
tumheñ zarā bhī dard nahīñ hai

are kyuuñ chehra zard nahīñ hai
tumheñ zarā bhī dard nahīñ hai

kahe na koī mard nahīñ hai
tumheñ zarā bhī dard nahīñ hai

kyā tum se har fard nahīñ hai
tumheñ zarā bhī dard nahīñ hai

uḌtī desh meñ gard nahīñ hai
tumheñ zarā bhī dard nahīñ hai

jaago havā abhī sard nahīñ hai
tumheñ zarā bhī dard nahīñ hai

khā.egā shikast ik din sabr-o-zabt-e-paiham se
dard kā tasalsul aur jabr kā haTīlā-pan

bayān-e-dard-e-firāq kaisā ki hai vahāñ apnī ye haqīqat
jo baat karnī to naala karnā nahīñ to vo bhī kabhī na karnā

saḳht-jāñ bhī haiñ aur nāzuk bhī
dard ke bāvajūd jiite haiñ

ab is kā chāra hī kyā ki apnī talab hī lā-intihā thī varna
vo aañkh jab bhī uThī hai dāmān-e-dard phūloñ se bhar ga.ī hai

na pūchh kyuuñ mujhe aate haiñ yaad ai 'jazbī'
jahān-e-dard meñ dard-e-jahāñ ke vo mahram

na koī aah na koī ḳhalish na dard na ġham
vo yaad aa.e to pahroñ sukūt kā aalam

ye bhī fareb se haiñ kuchh dard āshiqī ke
ham mar ke kyā kareñge kyā kar liyā hai jī ke

phuuT kar kis ke ye rone kī sadā aatī hai
dard-e-ulfat kahīñ merā dil-e-nāshād na ho

maiñ to ḳhāmosh rahūñ hijr meñ Dar hai lekin
dard uTh kar kahīñ āmāda-e-fariyād na ho

ye dil hai ki jalte siine meñ ik dard kā phoḌā allhaḌ sā
nā gupt rahe nā phuuT bahe koī marham ho koī nishtar ho

dil hijr ke dard se bojhal hai ab aan milo to behtar ho
is baat se ham ko kyā matlab ye kaise ho ye kyūñkar ho

gar mehr na ho daaġh ke ulfat kī gavāhī
manzūr mire dard kā tūmār na hove