Tags-Dard

koī mā.il-ba-samā.at na huā sad afsos!
naġhma-e-dard rahā sīna-e-jazbāt meñ gum

ham sā bad-baḳht zamāne meñ koī kyā hogā
ham ko ḳhushiyāñ bhī milīñ dard-o-alam kī sūrat

ik us ke tabassum kī ḳhātir dukh-dard hazāroñ sahtā thā
ab kis ke liye dukh-dard sahūñ aur ashk bahā.ūñ kis ke liye

jahāñ kuchh dard kā mazkūr hogā
hamārā sher bhī mash.hūr hogā

kar chuke sairāb ashkoñ se zamīñ
dard-dāna bo chuke ab ghar chalo

vahī ḳhalish vahī sozish vahī tapish vahī dard
hameñ sahar bhī ba-andāz-e-shām hotī hai

dil aa.e hai phir dil meñ dard aa.e hai
yuuñ hī baat meñ baat baḌh jaa.e hai

tabīb subuk-e-aql hargiz na samjhā
huā dard-e-ishq aah duunā davā se

aur maiñ pyaar kī taqdīs pe marne vaalā
dard ban kar tire ehsās meñ bas jā.ūñgā

dard patjhaḌ ke saare hamāre hue
sab bahāroñ ke mausam tumhāre hue

diloñ ke dard jagā ḳhvāhishoñ ke ḳhvāb sajā
balā-kashān-e-nazar ke liye sarāb sajā

ye shahr-e-zāt bahut hai agar banāyā jaa.e
to kā.enāt ko kyuuñ dard-e-sar banāyā jaa.e

ġhair ko dard sunāne kī zarūrat kyā hai
apne jhagḌe meñ zamāne kī zarūrat kyā hai

jab achānak mire pahlū se mirā yaar uThā
dard siine meñ uThā aur ka.ī baar uThā

us se milnā bahut zarūrī hai
dard kuchh to 'sabīha' kam hogā

āñkhoñ se apne ashk ke tāroñ ko toḌ kar
sūkhī nadī ke dard kā manzar use dikhā

jis ko dekho mire māthe kī taraf dekhtā hai
dard hotā hai kahāñ aur kahāñ raushan hai

ab tirā zikr bhī shāyad hī ġhazal meñ aa.e
aur se aur hue dard ke unvāñ jānāñ

ham ye samjhe ki marham-e-ġham hai
dard ban kar davā ne luuT liyā

tanhā.iyoñ ke gahre samundar meñ Duub jā
zaḳhmoñ ke phuul dard ke gauhar talāsh kar