Tags-Dard

kuchh farq nahīñ tujh meñ aur mujh meñ koī lekin
tū aur kisī kā hai bedard maiñ terā huuñ

jab tak na milā thā tū ai fitna-e-do-ālam
jab dard se ġhāfil thā ab dard kī duniyā huuñ

dard badnām tamannā rusvā
ishq rusvā.ī hī rusvā.ī hai

dard ke bādal chhā.e hue haiñ jaane kab ye baras paḌeñ
bhīgī bhīgī sī āñkheñ haiñ Thahrā hai tūfān na pūchh

vādiyoñ meñ zindagī martī rahī
dard āñkhoñ se mire bahtā rahā

aaj phir dard uThā dil ke nihāñ ḳhāne meñ
aaj phir log satāne ko chale ā.eñge

kyuuñ tire dard ko deñ tohmat-e-vīrānī-e-dil
zalzaloñ meñ to bhare shahr ujaḌ jaate haiñ

ye shauq kī be-nasīb kaliyāñ ye dard ke be-ḳhizāñ shagūfe
tumhāre qadmoñ meñ rakh na paa.e to kis kī chaukhaT pe jā girā.eñ

hanūz dard-e-judā.ī-e-yār baaqī hai
khaTak rahā thā jo dil meñ vo ḳhaar baaqī hai

ek isī kashmīr kā darshan
kitnoñ ke dukh dard kā darpan

āzād ho ke aur bhī be-dast-o-pā hue
kis dard-e-lā-ilāj meñ ham mubtalā hue

dard-e-dil pahle to vo sunte na the
ab ye kahte haiñ zarā āvāz se

kabhī dāmān-o-girebāñ se ulajhte rahe haath
dard-e-dil ne kabhī masrūf duā ne rakkhā

na kah ki be-asar anfās-e-sard hote haiñ
mujhī se kyā koī sab ahl-e-dard hote haiñ

dard ke dā.imī rishtoñ se lipaT jaate haiñ
aks rote haiñ to shīshoñ se lipaT jaate haiñ

talāsh-e-aish meñ ai 'ārzū' hai rañj hī rañj
sitam-nasīb ye kyā dard-e-sar ḳharīd liyā

gañvā ke dil sā guhar dard-e-sar ḳharīd liyā
bahut garāñ thā ye saudā magar ḳharīd liyā

zamīn-e-karb kī har fasl kā jo mālik hai
hamāre dard ke rishte isī kisān se haiñ

dekh kar ġham-zada se kuchh chehre
dard-e-dil kyuuñ ayaañ nahīñ hotā

dard aisā hai ki jī chāhe hai zinda rahiye
zindagī aisī ki mar jaane ko jī chāhe hai