Tags-Dard

dard kī aag bujhā do ki abhī vaqt nahīñ
zaḳhm-e-dil jaag sake nashtar-e-ġham raqs kare

kyuuñ minnat-e-chāra-gar kiije kyuuñ fikr-e-davā-e-dil kiije
bīmār-e-mohabbat ke naale ḳhud dard kā darmāñ hote haiñ

Duub ke dekh liyā dard kī gahrā.ī meñ
aaj kī raat guzar jā.egī tanhā.ī meñ

maut ab zindagī bhī hai mujh ko
jab mire dard kī davā bhī nahīñ

kal tak davā-e-dard the kuchh log shahr meñ
aaj eqtidār kyā milā zahhāk ho ga.e

maiñ ḳhud hī dard se dāman bachā ke guzrā huuñ
vagarna ziist ko parvāz-e-ġham zarūr mile

shabāb o piirī kā aanā jaanā ġhazab kā pur-dard hai fasāna
ye rah ga.ī ban ke gard-e-hasrat vo uḌ gayā ruḳh se rañg ho kar

jaan de dī maiñ ne tañg aa kar vufūr-e-dard se
aaj manshā-e-jafā-e-dost puurā ho gayā

us ke jalvoñ se pare ik dard kī āvāz sun
ḳhvāb kī ta.abīr se Dar ḳhvāb kā mehvar na dekh

de lab-e-ḳhāmosh tak aa.ī huī bātoñ pe dhyān
gar sar-e-mizhgāñ khulā ik dard kā daftar na dekh

maiñ apnā dard kisī aur se kahūñ kaise
mire badan pe koī zaḳhm-e-mo'atabar bhī nahīñ

phuul samjhe na the zindagānī is qadar ḳhūb-sūrat milegī
ashk ban kar tabassum milegā dard ban kar masarrat milegī

maut hī āḳhir ilāj-e-kārgar sābit huī
dard-e-dil baḌhtā rahā juuñ juuñ davā karte rahe

maiñ us nigāh ke sadqe ye ho asar jis meñ
ki dil meñ dard bhī uTThe to gudgudī ho jaa.e

zamīñ kā dard be-badan bhī ho ke apne dil meñ thā
tabhī to khiñch ke aa ga.e the varna āsmāñ meñ ham

ab qāfila-e-zīst hī ruk jaa.e to ruk jaa.e
ye dard kī lazzat to kabhī kam nahīñ hogī

kyā sunā.eñ jāñ-ba-lab qaumoñ kī bīmārī kā haal
dard baḌhtā hī gayā juuñ juuñ davā karte rahe

kisī kā naqsh andhere meñ jab ubhar aayā
udaas chehra shab-e-dard kā nikhar aayā

ik zamāne se to bas 'iqbāl' apnī zindagī
dard kā bistar huī ehsās kī chādar huī

hamāre dard sāñjhe haiñ
ki ham ukhḌe hue do peḌ