Tags-Dard

dard ye hai
mere kamre kā añdherā kabhī ik baar musaḳhḳhar nahīñ ho paatā

bulbul hai chaman meñ ek hamdard
maiñ bhī kisī gul kā mubtalā huuñ

haq adaa.ī meñ haiñ lage donoñ
dard andar se zaḳhm bāhar se

chhupātā huuñ magar chhuptā nahīñ dard-e-nihāñ phir bhī
nigāh-e-yās ho jaatī hai dil kī tarjumāñ phir bhī

dard tanhā.ī taḌap ashk mohabbat yaarī
'mīt' in sab meñ hī us ġham kī taraf-dārī hai

ik dard ho bas aaTh pahar dil meñ ki jis ko
taḳhfīf davā se ho na taskīn duā se

maiñ dard bhī tum se jī lūñgā tum mere liye kuchh ġham na karo
maanā ki pareshāñ dil hogā aisā bhī pareshāñ kyā hogā

baras ke khul ga.e aañsū nithar ga.ī hai fazā
chamak rahā hai sar-e-shām dard kā taarā

dard-e-dil kā ilaaj ho kis se
yuuñ masīhā huā kare koī

ḳhud se kah luuñ maiñ dāstāñ apnī
dard meñ kuchh to ḳhush-navā bhī rahūñ

usī ko dard kahtā hai usī ko dard kā darmāñ
nahīñ ye ishq to ai dil batā phir justujū kyā hai

koī ḳhāmosh sadā duur bulātī hai mujhe
kaash maiñ zinda rahūñ dard bayāñ hone tak

kyā ḳhabar thī tirī mahfil meñ ye hālat hogī
tū uThā degā mujhe dard ayaañ hone tak

afsāna-e-ishq kis se kahiye
is baat meñ dard-e-sar bahut hai

ye uljhaneñ kyoñ ye dard-o-ġham kyoñ ye mushkileñ kyoñ ye Thokareñ kyoñ
milī to haiñ be-shumār chīzeñ phir in ke badle bas ik ḳhushī kyoñ

dardmandāna sadāqat ke payambar 'shahpar'
dard kī baat samajhne se bhī qāsir kyā haiñ

jo duur jaa.e to ġham hai jo paas aa.e to dard
na jaane kyā hai vo kambaḳht aadmī dekho

is baar bhī bahār na.e zaḳhm de ga.ī
is baar bhī vo dard kā darmāñ nahīñ havā

maiñ sochtā thā ki tum aaogī tumheñ pā kar
maiñ is jahān ke dukh-dard bhuul jā.ūñgā

dasht se jab sūraj guzrā thā ye 'manzar' thā
dard kā ret pe aaheñ bharnā haule haule