Tags-Dard

jin shahīdoñ ne ba-sad-dard taḌap kar dī jaan
chhin gayā haath se jiitā huā maidāñ un kā

raat jaltī rahī thī vo sham.a
dard jis kā bayāñ nahīñ hotā

dard se mere hai tujh ko be-qarārī haa.e haa.e
kyā huī zālim tirī ġhaflat-shi.ārī haa.e haa.e

ugaao dard kī fasleñ ki zindagī jaage
lahū kī fasl ugāte hue zamāna huā

kisī ko dard sunānā bhī kitnā mushkil thā
mazāq apnā uḌānā bhī kitnā mushkil thā

chāra-gar kī ab nahīñ hājat mujhe
dard hī ḳhud baḌh ke darmāñ ho gayā

bahut logoñ ne kī hai dard-mandī
magar ye zaḳhm kab achchhe hue haiñ

ham taġhāful ko ibtidā samjhe
aur vo dard kī davā samjhe

har ek dard ko darmāñ banā diyā us ne
jafā ke bhes meñ thiiñ mehrbāniyāñ kyā kyā

zālim ham se pūchh rahā
dard tumhārā kaisā hai

din kā libās-e-dard thā vo to pahan chuke
raat aa.ī jaane kaun sā ġham oḌhnā paḌe

maiñ faqat insān huuñ hindū musalmāñ kuchh nahīñ
mere dil ke dard meñ tafrīq-e-īmāñ kuchh nahīñ

kis dil kī baat kaheñ ham tum kis dil kā dard saheñ ham tum
dil patthar hai dil shīsha hai dil sahrā hai dil dariyā hai

zaḳhm aa.e tujhe to mujhe dard ho
yuuñ lahū meñ hamārī ravānī rahe

dard dil meñ na āñkhoñ meñ paanī rahe
apne chehre pe bas shādmānī rahe

ek fasīl khiñchī hai dil meñ duurī kī
jis ke paar haiñ raste dard-ḳhazānoñ ke

dil meñ agar na ishq-o-mohabbat kī chaah ho
naala na dard ho na fuġhāñ ho na aah ho

maiñ Duubī phir ubhrī āḳhir Duub ga.ī
mauj-e-bahr-e-dard thī aur kinārā chāñd

jaane ārām aa.egā kab tak
dard baḌhne lagā hai umr ke saath

zamāna dard ke sahrā tak aaj le aayā
guzār kar tirī zulfoñ ke saa.e saa.e mujhe