Tags-Dard

sirf mausam ke badalne hī pe mauqūf nahīñ
dard bhī sūrat-e-hālāt batā detā hai

mirā hī siina kushāda hai chāhatoñ ke ta.iiñ
tufañg-e-dard mirā hī nishānā chāhtī hai

dard-e-dil kitnā pasand aayā use
maiñ ne jab kī aah us ne vaah kī

aaj phir dab ga.iiñ dard kī siskiyāñ
aaj phir gūñjtā qahqaha rah gayā

dard-e-dil kahnā mirā shāyad ki us ne sun liyā
varna kyuuñ mujh ko dharātā hai bhalā achchhā kiyā

tumhāre sar kī qasam khā ke dard dil kā kahūñ
jo mere likhne kā yuuñ tum ko e'tibār na ho

be-kasī dard-o-alam daaġh tamannā hasrat
chhoḌe jaate haiñ pas-e-marg ye tarke āshiq

udāsī sard aaheñ karb hasrat dard majbūrī
mohabbat talḳhiyoñ kā ek shīrīñ naam hai saaqī

hazrat-e-dil ko ḳhudā rakkhe vahī haiñ shorisheñ
dard-e-mahrūmī bhī soz-e-ārzūmandī bhī hai

na kabhī maiñ ne kahā thā ki mujhe dard mile
na kahūñgā ki mire dard kā darmāñ karnā

dard had se sivā to hai lekin
aisī hālat nahīñ ki tujh se kaheñ

hamārā dard bhī us ke badan meñ ho 'rizvān'
jab us kā dard hamāre badan meñ rahnā hai

dil huuñ maiñ pyaar bharā aur tū nāzuk dhaḌkan
dil kā tujh se hai magar dard kā rishta mujh se

aaj phir dard-o-ġham ke dhāge meñ
ham piro kar tire ḳhayāl ke phuul

kitnā dard-āmez thā naġhma dil-e-nāshād kā
tiir tarkash meñ taḌap uTThā sitam ījād kā

ġhazal ke rañg meñ malbūs ho kar
rubāb-e-dard se āhañg niklā

na.ī na.ī choTeñ khā khā kar jab be-kal ho ho jāoge
mujh ko hamdard apnā samajh kahne ko ġham ke aaoge tum

husn-e-jānāñ ishq kā jaadū raqs-o-mastī dard kī lai
is mahfil kī jaltī bujhtī saarī shāmeñ terī haiñ

vo khaa.ī Thokar hai ruuh ghāyal
hai dard koī davā karegā

shab-e-māh meñ jab bhī ye dard uThā kabhī bait kahe likhī chāñd-nagar
kabhī koh se jā sar phoḌ mare kabhī qais ko jā ustād kiyā