Tags-Dard

sab kānoñ meñ ik jaisī sargoshī sī
ek hī jaisā dard zabāñ par jaarī hai

ab hijr na visāl na saudā tire baġhair
dukhtā hai dil bhī dard ke maare ghaḌī ghaḌī

dard ne baḌh ke āshkār kiyā
maut par zindagī kā qaabū hai

uThā bhī ab parda-e-takalluf samā bhī jā dil meñ dard ban kar
rahūñgā kab tak maiñ yūñhī behis kabhī mujhe zindagī milegī

ye zard chehra ye dard-e-paiham koī sunegā to kyā kahegā
zarā se dil meñ hazār-hā ġham koī sunegā to kyā kahegā

pata chale jo mohabbat kā dard le ke chalo
mire makāñ kī galī kitnī muḳhtasar hai miyāñ

kuchh dard jagā.e rakhte haiñ kuchh ḳhvāb sajā.e rakhte haiñ
is dil ke sahāre jīvan meñ ham baat banā.e rakhte haiñ

dard hī detā hai ab vo na davā detā hai
haa.e kaisā vo vafāoñ kā sila detā hai

duniyā se be-niyāzī bhī fitrat mirī hī thī
duniyā ke ranj o dard meñ shāmil bhī maiñ hī thā

us ko dukh-dard koī chhalegā nahīñ us kī duniyā kā sūraj Dhalegā nahīñ
tere bachpan kī ḳhushiyāñ jise yaad haiñ tere dāman kā jugnū jise yaad hai

rahā na dil meñ vo bedard aur dard rahā
muqīm kaun huā hai maqām kis kā thā

mulk-e-suḳhan meñ dard kī daulat ko kyā huā
ai shahr-e-'mīr' terī rivāyat ko kyā huā

putliyoñ par raqs karnā hī kalām-e-fan nahīñ
dard ke aañsū ko to paiham ravānī chāhiye

dard kī dīvār sar tak aa ga.ī
dil kī bīnā.ī nazar tak aa ga.ī

tamām khel huā din Dhalā chalo ab ghar
na jaane mujh meñ utartā ye dard kaisā hai

koī sho.ala sā jo bhaḌak uThā koī dard sā jo chamak uThā
mare dard dil kā ye āriza bhī purānā ho kahīñ yuuñ na ho

ham tujhe bhuul ke ḳhush baiThe haiñ
ham sā bedard koī kyā hogā

dard merā bayāñ un se kab ho sakā
sher ḳhāmosh the shā.irī chup rahī

zindagī bhuul ga.ī apne ġhamoñ meñ is ko
daulat dard vafā bhī na lagī haat mire

is dard-o-sitam kā nahīñ ġham mujh ko sanam tū
hai aas ho ye ḳhatm safar shaam se pahle