Tags-Dard

lazzat-e-dard-e-jarāhat to mire dil se na pūchh
pahlū-e-zaḳhm meñ lāzim thā namak-dāñ honā

tumhāre dard se jaage to un kī qadr khulī
vagarna pahle bhī apne the jism-o-jān vahī

liye phirte haiñ ham apne jigar-o-dil donoñ
ek meñ dard bhare ek meñ armān bhare

mujhe ab ruuh tak ik dard sā mahsūs hotā hai
to kyā vus.at mire ehsās kī is dil se aage hai

rakkhā hai saiñt saiñt tirā dard dostā
garche naqab lagāyā kiye rāhzan tamām

dard-e-dil jaan kā āzār hai maiñ jāntā huuñ
aur allāh madad-gār hai maiñ jāntā huuñ

shiddat-e-karb se karāh uThā
jab uThā dard-e-be-panāh uThā

are-o jīte-jī dard-e-judā.ī dene vaale sun
tujhe ham sabr kar lete agar mar ke judā hotā

kuchh dard-e-jigar kā hogā baa.is
kyuuñ tujh se maiñ chāra-gar kahūñgā

kab tum to kahoge mujh se pūchho
maiñ bā.is-e-dard-e-sar kahūñgā

dosto durd pilāo ki kaḌī raat kaTe
mai meñ kuchh aur milāo ki kaḌī raat kaTe

vo jo dard thā tire ishq kā vahī harf harf-e-suḳhan meñ hai
vahī qatra qatra lahū banā vahī reza reza badan meñ hai

abhī to bichhḌe hue log yaad ā.eñge
abhī to dard-e-dil-e-rā.egāñ salāmat hai

ham ne chāhat ke kisī saaz pe jo haath dharā
tham gayā dard har ik dard-e-jigar hone tak

zaḳhm ne daad na dī dard ne fariyād na kī
rah gayā thaam ke qātil bhī kaleja apnā

siskiyāñ letī huī ġhamgīñ havāo chup raho
so rahe haiñ dard un ko mat jagāo chup raho

dekh lenā ghar se niklegā na ham-sāya koī
ai mire yaaro mire dard-āshnāo chup raho

'aḳhtar' mazāq-e-dard kā maarā huā huuñ maiñ
khāte haiñ ahl-e-dard mire naam kī qasam

koī ḳhvāb thā jo bikhar gayā koī dard thā jo Thahar gayā
magar is kā koī bhī ġham nahīñ jo guzar gayā so guzar gayā

ishq meñ dil ke ilāqe se guzartī hai bahār
dard ehsās tak aa.e to namī tak pahuñche