Tags-Dard

dard-o-ġham aur udāsī ke sivā kaun aatā
jin ko bhejā thā mire ghar meñ ḳhudā ne aa.e

paidā kareñge ishq se ham ḳhud ilāj-e-ishq
baiThe raheñ vo dard kā darmāñ liye hue

sitam dekho ki us be-dard se apnī laḌā.ī hai
jise sharminda-e-paikār bhī karte nahīñ bantā

shabāb-e-dard mirī zindagī kī sub.h sahī
piyūñ sharāb yahāñ tak ki shaam ho jaa.e

dil ke dard ke kam hone kā tanhā kuchh sāmān huā
ham bhī ab kai din jī leñge is kā bhī imkān huā

kuchh dard kī shiddat hai kuchh pās-e-mohabbat hai
ham aah to karte haiñ fariyād nahīñ karte

afsāna-hā-e-dard sunāte chale ga.e
ḳhud ro.e dūsroñ ko rulāte chale ga.e

āb-dīda huuñ maiñ ḳhud zaḳhm-e-jigar se apne
terī āñkhoñ meñ chhupā dard kahāñ se dekhūñ

bastī meñ har ik rahtā hai apnā bhī begāna bhī
haal kisī ne pūchhā dil kā dard kisī ne jaanā bhī

us ne to aate rahnā hai sehn meñ ram karne ko
roz ġhazāl-e-dard ke māthe ḳhaal lagāte rahnā

ik mujassam dard huuñ ik aah huuñ
phir bhī zeb-o-zīnat-e-afvāh huuñ

raas aane lagī duniyā to kahā dil ne ki jā
ab tujhe dard kī daulat nahīñ milne vaalī

pūchh na kyā thī pichhle pahar kī dard bharī an-jānī chīḳh
jo man ke pātāl se uTThī rah ga.ī aa ke lab tak yaar

mohabbat ne ḳhulūs ke saath niyyat ko uThā kar nafrat ke fuzle pe paTaḳh Daalā
aur dard ne mohabbat ke uple naaf par thāpnā shurūa kar diye

phir Thahar gayā qāfila-e-dard sunā hai
shāyad koī raste meñ mirī tarah girā aur

aa tujhe zabt ke isrāf se āgāh karūñ
aah ko dard kā paimāna samajhne vaale

uThā jab dard-e-pahlū dil pukārā
nahīñ koī dam-e-mushkil kisī kā

ye tirā hijr atā dard atā karb atā
ab 'atā' kaise jiye terī atāoñ ke baġhair

dard zanjīr kī sūrat hai diloñ meñ maujūd
is se pahle to kabhī is ke ye pairā.e na the