Tags-Dard

dard kā ġhār-e-hirā dil meñ kiyā hai ta.amīr
mujh ko ma.alūm nahīñ tarz-e-ibādāt hai kyā

ham se kyā pūchho ho ahvāl-e-haram ai logo
aaj ke dard kā jaao to mudāvā kar ke

yārab hujūm-e-dard ko de aur vus.ateñ
dāman to kyā abhī mirī āñkheñ bhī nam nahīñ

dekh hamāre māthe par ye dasht-e-talab kī dhuul miyāñ
ham se ajab tirā dard kā naata dekh hameñ mat bhuul miyāñ

sāhil kise batā.e yahāñ apne dil kā dard
maujeñ chalī ga.iiñ use har baar chhoḌ kar

kyuuñ us ko mohabbat kā ehsās nahīñ hotā
āñkhoñ meñ mirī ab to har dard numāyāñ hai

ġham ke sunsān bayābāñ se nikaltā hī nahīñ
dil mirā dard ke tūfāñ se sambhaltā hī nahīñ

maiñ piir ho gayā huuñ aur ab tak javāñ hai dard
mere murīd ho jo tumheñ dostāñ hai dard

kyā kyā haiñ dard-e-ishq kī fitna-tarāziyāñ
ham iltifāt-e-ḳhās se bhī bad-gumāñ rahe

peshāniyoñ pe vaqt shikan-dar-shikan nahīñ
chehra-ba-chehra likhe hue dil ke dard haiñ

jo tere dard haiñ vahī sab mere dard haiñ
kahne ko apnī apnī jagah fard fard haiñ

chupke chupke uTh rahā hai madh-bhare sīnoñ meñ dard
dhīme dhīme chal rahī haiñ ishq kī purvā.iyāñ

dard maujoñ kī rifāqat kā baḌā hai shāyad
qurb-e-sāhil se shanāvar kā badan dukhtā hai

dard kī lahr meñ zindagī bah ga.ī
umr yuuñ kaT ga.ī hijr kī shaam meñ

kis quvvat-e-be-dard kā iz.hār hai duniyā
har dil ko gilā hai ki dil-āzār hai duniyā

hisāb-e-dard karūñ bhī to is se kyā hāsil
nigāh-e-shauq meñ harf-e-ziyāñ Thahartā nahīñ

ek muddat se dard kam kam hai
jaane kis baat kā mujhe ġham hai

nuz.hat-e-shām ne jab raḳht-e-safar bāñdh liyā
dard ne ruuh ko bedārī kā paiġhām diyā

talattuf siiñ pūchhegā kab dard-e-dil
sitam-gar hai sarkash hai ayyār hai

ārā.ish-e-ḳhayāl bhī ho dil-kushā bhī ho
vo dard ab kahāñ jise jī chāhtā bhī ho