Collections

Lab Shayari

Motivational Ghazals

Best Khamoshi Shayari

More Collections

Tags-Dard

fasāne likhtī huuñ maiñ ġham-zada mohabbat ke
maiñ dard likhtī huuñ aur dard hī kamātī huuñ

main apne KHwab mein kuchh KHak mein milati hun

mujh ko ehsās-e-sharmindagī hai bahut
qissa-e-dard kaise bayāñ ho gayā

jab muKhaalif mera raaz-dan ho gaya

khaḌā huā huuñ maiñ us bām-e-zīst par ki jahāñ
har ek dard shanāsā dikhā.ī detā hai

mujhe wo khel-tamasha dikhai deta hai

yuuñ hī ham dard apnā kho rahe haiñ
yahī ronā hai ham kyuuñ ro rahe haiñ

yun hi hum dard apna kho rahe hain

jalī haiñ dard kī sham.eñ magar añdherā hai
kahāñ ho kuchh to kaho dil bahut akelā hai

jali hain dard ki shaMein magar andhera hai

donoñ ne kiyā hai mujh ko rusvā
kuchh dard ne aur kuchh davā ne

donon ne kiya hai mujhko ruswa

hai kam-o-besh nīlgūñ har shai
dard kā silsila hai sadiyoñ se

sar pe dast-e-hawa hai sadiyon se

mausam-e-dard kī āñdhī meñ tirī yaad aa.ī
ham to hijrat meñ bhī manzar tujhe chamkā ke khule

dil ke virane mein kuchh phul tamanna ke khile

kab jaan sakā dard mirā dekhne vaalā
chehra mire hālāt kā akkās nahīñ thā

jab dard mohabbat ka mere pas nahin tha

jab dard mohabbat kā mire paas nahīñ thā
maiñ kaun huuñ kyā huuñ mujhe ehsās nahīñ thā

jab dard mohabbat ka mere pas nahin tha

ab mirā dard mirī jaan huā jaatā hai
ai mire chāragaro ab mujhe achchhā na karo

ab mera dard mari jaan hua jata hai

har-samt khiñch ga.e tirī yādoñ ke sā.ebān
kal raat dard lauT gayā chīḳhtā huā

tanhaiyon ki barf thi bistar pe ja-ba-ja

ishq ne kar diyā hai mujh ko nihāl
dekhiye dard ke ḳhazīne ko

gham hai khane ko ashk pine ko

apne dil meñ chhupā.e phirtā huuñ
maiñ tire dard ke dafīne ko

gham hai khane ko ashk pine ko

ho ga.e be-ḳhud to Tīsoñ kā maza chhin jā.egā
roktā huuñ dard kī itnī farāvānī na ho

dil bhar aae aur abr-e-dida mein pani na ho

kis moḌ par haiñ aaj ham ai rahguzār-e-nāz
ab dard kā mizāj kisī ham-suḳhan sā hai

aankhon mein rup subh ki pahli kiran sa hai

ishq se tabī.at ne ziist kā mazā paayā
dard kī davā paa.ī dard-e-be-davā paayā

ishq se tabiat ne zist ka maza paya

dard kī koī alag se nahīñ hotī hai zabāñ
merī āvāz meñ ab saarā nagar boltā hai

ab bhi guzre hue logon ka asar bolta hai

dil par jo zaḳhm haiñ vo dikhā.eñ kisī ko kyā
apnā sharīk-e-dard banā.eñ kisī ko kyā

dil par jo zaKHm hain wo dikhaen kisi ko kya

is se rāhat kashīd kar!! din raat
dard ne mustaqil nahīñ rahnā

lakh dil ne pukarna chaha