Tags-Dard

dil dard se bhar bhar aayā palkoñ pe na chamke aañsū
āñkhoñ ne samundar bhar ke qatre ke liye tarsāyā

dil bhī hotā hai sunā karte the har siine meñ
dard bhī us meñ nihāñ thā mujhe ma.alūm na thā

husn-e-ulfat ko samā.e hue siine meñ 'nisār'
dil meñ ik dard javāñ thā mujhe ma.alūm na thā

mujhe chhoḌ de mire haal par tirā kyā bharosa hai chāra-gar
ye tirī navāzish-e-muḳhtasar mirā dard aur baḌhā na de

dard kī davā huuñ meñ
pyaar kī sadā huuñ meñ

mere ham-nafas mere ham-navā mujhe dost ban ke daġhā na de
maiñ huuñ dard-e-ishq se jāñ-ba-lab mujhe zindagī kī duā na de

dard-e-lā-davā huuñ maiñ
āh-e-nā-rasā huuñ maiñ

zulf-e-jānāñ dīda-e-nam dard-e-dil
in se bāhar aa.eñ to duniyā dikhe

aisā na ho sahar merī bīnā.ī chhīn le
bedāriyoñ se ab mirī āñkhoñ meñ dard hai

jab maiñ na thā to merī zamāne meñ guuñj thī
ab maiñ huuñ aur saare zamāne kā dard hai

dard jab samjhe tirā vo be-zabāñ
ārzū-e-ham-zabāñ par ḳhaak Daal

abhī tum ne nahīñ dekhe sharāre āh-e-sozāñ ke
abhī sho.ale kahāñ bhaḌke haiñ dil meñ dard-e-pinhāñ ke

thā sharīk-e-bazm-e-ġham maiñ ham-navāñ koī nahīñ
dard-e-dil ko harf karne kā bayāñ koī nahīñ

kitne dīvāroñ meñ kho.e dard-o-ġham ke zalzale
aahoñ se jo Dah gayā aisā makāñ koī nahīñ

yahī kahtī thī lailī-e-parda-nashīñ ki firāq kī ab use taab nahīñ
milūñ us se maiñ tā mirā qais-e-hazīñ ġham-e-hijr ke dard-o-alam se chhuTe

chhin na jaa.e tirā tabassum-e-lab
mere dard-o-alam kī baat na kar

jaltī hai tū ki barq-e-tajallī se duur hai
be-dard tere soz ko samjhe ki nuur hai

be-kasī parda-dār-e-dard huī
ḳhair guzrī ki apnā ghar na huā

ye dard-e-zindagī kis kī amānat hai kise de duuñ
koī vāris nahīñ is kā matā-e-rā.egāñ hai ye

uqbā meñ bhī milegī yahī zindagī 'shakīl'
mar kar na chhūT pā.eñge is dard-e-sar se ham