Tags-Dard

dard kā kohsār khīñchtā huuñ
saañs kab hai ġhubār khīñchtā huuñ

hogī jab nāloñ kī apne zer gardūñ bāz-gasht
mere dard-e-dil kī shohrat jā-ba-jā ho jā.egī

dard ko rahne bhī de dil meñ davā ho jā.egī
maut aa.egī to ai hamdam shifā ho jā.egī

lazzat-e-dard-e-jigar yaad aa.ī
phir tirī pahlī nazar yaad aa.ī

dard ne jab koī karvaT badlī
zindagī bār-e-digar yaad aa.ī

yuuñ to har ek dard ne baḳhshī hayāt-e-nau
maiñ fitrat-e-hayāt-e-gurezāñ ko kyā karūñ

maanā ki mirā luT gayā sarmāya ḳhushī kā
ik dard kī daulat to abhī mere qarīñ hai

ab mirā dard na terā jaadū
marg-e-amboh meñ kyā maiñ kyā tū

āshnā.ī meñ kuchh mazā na milā
āshnā dard-āshnā na milā

phir sar-e-sub.h kisī dard ke dar vā karne
dhaan ke khet se ik mauj-e-havā aa.ī hai

yaqīñ bharī-bahār kā bhī kuchh nahīñ
agar ye shāḳh-e-dard hī harī na ho

kabhī ḳhud ko dard-shanās karo kabhī aao nā
mujhe itnā to na udaas karo kabhī aao nā

vo ḳhaak chhānne vāloñ kā dard kyā jaane
tamām umr jo mahfūz apne ghar meñ rahā

na the āshiq kisī be-dād par ham jab talak 'tābāñ'
hamāre dil ke ta.iiñ kuchh dard-o-ġham tab tak na thā hargiz

ham dard-e-mohabbat se taḌpā hī kiye lekin
allāh re bedardī dekhā na idhar tū ne

tujhe kis nazar se dekhe ye nigāh-e-dard-āgīñ
jo duā.eñ de rahī hai tirī chashm-e-bevafā ko

dard sar meñ ho kisī ke to mire dil meñ ho dard
vāste mere huā hai ġham-e-ālam paidā

o nigāh-e-multafit be-fā.eda hai iltifāt
dard hī dil meñ nahīñ hai ab davā se kyā ġharaz

hujūm-e-dard kā itnā baḌhe asar gum ho
mile vo raat ki jis raat kī sahar gum ho

dard-e-hijrāñ ke tasalsul se na ghabrā dil-e-zār
ishq ne dard ke andar hī davā rakkhī hai