Tags-Dard

abhī bhī dard sā uThtā hai mujh meñ mumkin hai
zarā sā ishq mirī zaat meñ bachā hogā

kyā mustaqil ilaaj kiyā dil ke dard kā
vo muskurā diye mujhe bīmār dekh kar

nā-umīdī dard-o-ġham ranj-o-musībat ke sivā
chāhne vāloñ ko un ke aur kuchh hāsil na thā

yahī TuuTe subū miTTī ke kaafī haiñ qanā.at kar
bilorīñ jām-e-mai ai riñd dard-āshām kyā hogā

maiñ tire dard kī kulfat ko kahāñ le aayā
mere hamrāh dhaḌaktā hai dil-e-kaun-o-makāñ

dard-e-hijrāñ se ba-tañg aapī huuñ nāseh se kaho
zaḳhm par mere na chhiḌke ye dabañg aur namak

jis kuuñ dard-e-jigar kī lazzat hai
zahar us kuuñ misāl-e-amrat hai

jitnā pyaar baḌhāyā ham se utnā dard diyā dil ko
jitne duur hue ho ham se utnī ham-āġhoshī hai

yahī merā sher-o-naġhma yahī merī fikr-o-hikmat
jo surū-o-dard-mandī dil-e-be-qarār meñ hai

ġham kā sūraj Dhalā dard kā chāñd bhī bujh chale āñsuoñ ke diye aaj bhī
aur isī soch meñ ab sahar aa.egī ab sahar aa.egī ab sahar aa.egī

fursat-e-fikr-o-samā.at hai to sun lo aa kar
dil kī dhaḌkan meñ nihāñ dard kā afsāna hai

dard-mandān-e-kū-e-dildārī
ga.e ġhārat jahāñ tahāñ jānāñ

na jaane kaun sī ġhaflat meñ huuñ maiñ
ajab se dard kī shiddat meñ huuñ maiñ

umiid bhī tire aane kī aaj kam hai idhar
ye dil kā dard bhī kal raat se ziyāda hai

ghis ke sandal kā lagānā jinheñ dard-e-sar thā
dil pe rakhte haiñ vo andoh-e-garān-e-dehlī

dard-e-duniyā kī taḌap dil meñ mire rahne de
tū to āñkhoñ meñ bhī rah saktī hai terā kyā hai

sunā hai us ke jā chukne se saare shahr meñ vo dard phailā hai
jise us ne

use āzār apnānā bahut achchhā lagā kartā thā
usī ne dard siine meñ basāne ke hunar se naam paayā thā

jaañ hai to fikr-e-ishrat-e-bazm-e-jahāñ bhī hai
kab dil se dard-e-ālam-e-imkāñ judā huā