Tags-Dard

ḳhushā ki aur milā ġham kā tāziyāna hameñ
ḳhushā vo dard jo chhāyā hai naġhmagī ban kar

kisī kā dard ho karte haiñ tere naam raqam
gila hai jo bhī kisī se tire sabab se hai

kyoñ mirī qismat meñ us ne dard-o-ġham kuchh kam likhe
pūchh lūñgā maiñ ḳhudā se gar kabhī mujh ko mile

har dard kī had hotī hai yuuñ lagtā hai jaise
is dard kā koī na zamāñ hai na makāñ hai

haañ rañg-e-bahārāñ hai magar us ke lahū se
jo dast-ba-dil mohr-ba-lab dard-ba-jāñ hai

hotā hai yahāñ roz mire dard kā saudā
ai teġh-ba-kaf roz-e-mukāfāt kahāñ hai

dam-ba-dam uThtī haiñ kis yaad kī lahreñ dil meñ
dard rah rah ke ye karvaT sī badaltā kyā hai

us kī dard āñkhoñ meñ
hijr kī kahānī hai

pinhāñ haiñ kunj-e-dil meñ ka.ī dard-e-lā-davā
be-vaj.h muskurāne kī aadat nahīñ mujhe

ab kahūñ to maiñ kis se mere dil pe kyā guzrī
dekh kar un āñkhoñ meñ dard-e-iztirāb un kā

na āñkheñ surḳh rakhte haiñ na chehre zard rakhte haiñ
ye zālim log bhī insāniyat kā dard rakhte haiñ

dil bhī jigar bhī jaan bhī siina bhī ishq meñ
ye sab makān sadma-o-dard-o-alam ke haiñ

phir koī ehtimām-e-mātam hai
mere siine meñ dard kam kam hai

dard hotā to sar-e-shām sambhal bhī jaatā
dil hai vo lashkar-e-armān ki jī jāntā hai

kaifī haiñ mai-e-nāb-e-ḳhum-e-mehr-shuda ke
ham ko talab-e-durd-e-tah-e-jām nahīñ hai

haañ be-kanāriyoñ se kareñ āshnā use
haañ dard-e-intizār ko kuchh to fuzūñ kareñ

agar jaatā hai ai mere masīhā
ilaaj is dard-e-dil kā tū batā jā

chheḌtā hai dil ko kyā ai dard-e-hijr
ḳhud giraftār-e-hazār-āfāt hai

tumheñ shab-e-va.ada dard-e-sar thā ye sab haiñ be-e'tibār bāteñ
yaqīñ na aa.egā ham ko hargiz banāo go tum hazār bāteñ

ab 'shahzād' zamāne se kyā lenā-denā
ham ne bāb-e-dard mukammal kar rakkhā hai