Tags-Dard

sham.a-rū sun bayān-e-soz-e-'sirāj'
ki ajab dard kī hikāyat hai

gadā-e-nutq bhī maiñ ḳhāliq-e-azal ke huzūr
aur apne dard kī āvāz kā ḳhudā bhī maiñ

tū barf dard samundar meñ iztirāb aayā
to ḳhushk-chashm jazīre meñ kuchh namī jaagī

raat bhar dard kī sham.a jaltī rahī
ġham kī lau thartharātī rahī raat bhar

mohabbat karne vaale dard meñ tanhā nahīñ hote
jo rūThoge kabhī mujh se to apnā dil dukhāoge

ye dard-e-ishq tirā lā-ilāj hai 'yahyā'
use kabhī nahīñ jaanā kahīñ nahīñ jaanā

chand lamhoñ kī rifāqat kā asar hai shāyad
dard mīThā sā kahīñ aur bhī uThtā hogā

tirī yaad ho aur dil-e-bedam ho tirā dard ho aur dil-e-bedam ho
'bedam' ko rahe tire ġham se ġharaz tire ġham ko rahe 'bedam' se ġharaz

kitnī duur talak jā.egī zabt kī ye kashtī
kitnā gahrā hai is dard kā dariyā dekheñge

mubārak aish kā māhaul ḳhush-nasīboñ ko
bahut hai mere liye dard-e-mustaqil merā

ġham-e-firāq meñ dil kyuuñ na dard-mañd rahe
bahār aa ke ga.ī ham qafas meñ band rahe

hazār rañj ho dil laakh dard-mañd rahe
ḳhayāl past na ho hausla buland rahe

kis kī yaad kā dariyā mere dil se ho kar bahtā hai
kis ke dard pighal kar merī āñkhoñ meñ aa jaate haiñ

mirī javānī bahāroñ meñ bhī udaas rahī
fazā-e-dard-e-tamannā ko raas aa na sakī

shaam rakhtī hai bahut dard se betāb mujhe
le ke chhup jā kahīñ ai ārzū-e-ḳhvāb mujhe

dard uTh uTh ke ye kahtā hai rag-e-jāñ ke qarīb
abhī zindāñ meñ huuñ lekin dar-e-zindāñ ke qarīb

shikva-e-dard-e-jigar ai mehrbāñ kyuuñ kar kareñ
aap sun kyuuñ kar sakeñ aur ham bayāñ kyuuñ kar kareñ

hosh meñ phir kaun thā jab dard kā sāġhar chalā
āḳhir-e-shab kī vo kaifiyyat bayāñ kyuuñ kar kareñ

hayāt dard kī tuġhyāniyoñ meñ Duubī hai
ġham-e-habīb bhī hai ziist ke azaab bhī saath

āñsuoñ se likh rahe haiñ bebasī kī dāstāñ
lag rahā hai dard kī tasvīr ban jā.eñge ham