Tags-Dard

yā qalb ko dard meñ Dubonā sīkho
yā zabt se ham-kanār honā sīkho

dil dard kī bhaTTī meñ ka.ī baar jale hai
tab ek ġhazal husn ke sāñche meñ Dhale hai

dukh judā.ī ke ḳhvāb ho jaa.eñ
dard saare gulāb ho jaa.eñ

jab bhī kahīñ se pyaar milā yā ḳhushī milī
duniyā ke dard-o-rañj-o-alam yaad aa ga.e

ufuq pe dard se likhe hurūf
kab se haiñ lahū meñ yuuñ hī tar-ba-tar

deñ pāki-e-dāman kī gavāhī mire aañsū
us yūsuf-e-bedard kā e.ajāz to dekho

lazzat-e-dard-e-mohabbat ke sabab
ham ko marnā bhī gavārā na huā

dil ko chhūtī huī yuuñ dard kī lahreñ guzrīñ
phir koī jhiil meñ lagtā hai ki Duubā jaise

lahr halkī sī fazāoñ meñ jo ubhrī Duubī
dard kī shāḳh se TuuTā koī pattā jaise

ham-kalāmī bhī miTātī nahīñ duurī kī ḳhalīj
beach se TuuT gayā dard kā rishta jaise

lutf se tere sivā dard mahak jaatā hai
ye vo sho.ala hai bujhāo to bhaḌak jaatā hai

dard aur dard bhī judā.ī kā
aise bīmār kī duā kab tak

'ravāñ' ke dard kā aalam na pūchho
koī yuuñ hogā mast-e-jām-e-jam kyā

kar to liyā hai dard kī lahroñ kā sāmnā
lekin hamāre zarf kā baḳhiya udhaḌ gayā

ḳhūñ-bhare jaam uñDeltā huuñ maiñ
Tiis aur dard jheltā huuñ maiñ

ai dard dil ko chheḌ ke phir baar baar chheḌ
hai chheḌ kā mazā ḳhalish-e-bār-bār meñ

ġhanīmat buujh leveñ mere dard-ālūd nāloñ ko
ye dīvāna bahut yaad aa.egā shahrī ġhazāloñ ko

faqat is ḳhauf se jaatā nahīñ maiñ sub.h-e-tarab kī jānib
ufuq-e-dil se tire dard kā mahtāb na Dhal jaa.e kahīñ

dil meñ vo dard uThā raat ki ham so na sake
aise bikhre the ḳhayālāt ki ham so na sake

sochtā huuñ ki abhī rañj se āzād hai vo
vāqif-e-dard nahīñ ḳhūgar-e-ālām nahīñ