Collections

Lab Shayari

Motivational Ghazals

Best Khamoshi Shayari

More Collections

Tags-Dard

hai dard meñ Duubī huī tahrīr kī āvāz
vijdān ko chhū letī hai tasvīr kī āvāz

hai dard mein Dubi hui tahrir ki aawaz

ātish-e-batn meñ gal jaate haiñ ḳhud-kām shuyūḳh
sāhab-e-dard parastār-e-ḳhudā hotā hai

baKHt kya jaane bhala ya ki bura hota hai

nayā to kuchh bhī nahīñ terī dāstāñ meñ 'chāñd'
vahī haiñ dard ke qisse vahī fasāne haiñ

zaban ka pas hai to qaul sab nibhane hain

huā hai dard-e-jigar se ye ghar mirā tārīk
ki maut DhūñDtī phirtī hai koī raah mile

bhala ho pir-e-mughan ka idhar nigah mile

talḳhī-e-āḳhir-e-shab kaun sahe
hijr meñ dard ke māroñ ke sivā

sham-e-gham aur sitaron ke siwa

TuuT jaatā aap hī be-dard sannāTe kā zor
ḳhauf se bāhar nikal kar koī bolā bhī to ho

is hujum-e-be-aman mein koi apna bhi to ho

diloñ meñ dard hī utnā kashīd rakkhā hai
ki aañkh aañkh ne aañsū kashīd rakkhā hai

dilon mein dard hi utna kashid rakkha hai

dard ulfat kā na ho to zindagī kā kyā mazā
āh-o-zārī zindagī hai be-qarārī zindagī

dard ulfat ka na ho to zindagi ka kya maza

dasht-e-ehsās kī shiddat se nikalnā hai muhāl
dard biite hue manzar kī taraf khīñchtā hai

be-aman shab ka dhuan Dar ki taraf khinchta hai

pūchhnā chāhiye tabīboñ se
dard-e-dil kī hai ye davā kahiye

wusat-e-bahr-e-ishq kya kahiye

is qadar dard ki bhartā hī na thā aah ye dil
is qadar ḳhauf ki phir koī bhī Dar thā hī nahīñ

mere hisse mein azal se koi ghar tha hi nahin

dard kī dhuup nahīñ yaad kā saaya bhī nahīñ
ab to qismat merī be-rañgī-e-hālāt huī

zindagi se meri is tarah mulaqat hui

ghar mirā dekh liyā sail-e-balā ne 'shiblī'
āgahī kyā huī ik dard kī sauġhāt huī

zindagi se meri is tarah mulaqat hui

miTā deñge hastī-o-bastī tumhārī
vo naale jo dard-e-nihāñ se chaleñge

yahan se chalenge wahan se chalenge

kyā kareñ rasm-e-zamāna kī shikāyat 'tābāñ'
dard se rakhte haiñ ham log sadā kā rishta

lutf ka rabt hai koi na jafa ka rishta

kahīñ kahīñ abhī tauqīr-e-lafz baaqī hai
suḳhan sunā.ī diyā harf-e-dard kā ki maiñ huuñ

teri nigah se ise bhi guman hua ki main hun

tamām umr meñ pahuñchā huuñ is natīje par
nashāt-e-bazm se behtar hai dard-e-tanhā.ī

tere suluk-e-taghaful se ho ke saudai

pahlū meñ mere dil ko na ai dard kar talāsh
muddat huī ġharīb vatan se nikal gayā

pahlu mein mere dil ko na ai dard kar talash

dard-mandoñ pe zarā rahm karo be-dardo
zabt-e-fariyād ziyāda to nahīñ jānoñ se

shauq-e-darbar mein milte rahe darbanon se

pahlū meñ ye kaisā dard uThā hai
ye kaun sī raah kaT ga.ī hai

kya manzil-e-gham simaT gai hai