Tags-Dard

ḳhvāb dekhe the suhāne kitne
jaag uThe dard purāne kitne

ga.e zamānoñ kī dard kajlā.ī bhūlī bisrī kitāb paḌh kar
jo ho sake tum se aane vaale dinoñ ke rañgīn ḳhvāb likhnā

kyā ḳhabar ban ga.ī kis tarah ġhazal kī sūrat
ham ne to dard hī kāġhaz pe utārā apnā

ye samajhte hī nahīñ dard kā baa.is kyā hai
merā dil kaash dil-e-chāra-garāñ ho saktā

kam na hotī jo tapish dard ke añgāroñ kī
ruuh meñ hausla-e-zabt-e-fuġhāñ ho saktā

thā lutf-e-vasl aur kabhī afsūn-e-intizār
yuuñ dard-e-hijr silsila-jumbāñ na thā kabhī

na dil meñ dard kisī ke liye na pās-e-vafā
ham aise ārif-e-ḳhud-kām hoñ ḳhudā na kare

achchhā huā ki jald hī tū ne utaar dī
jachtī hai sab pe dard kī poshāk bhī nahīñ

na milā dard-āshnā koī
kaT gayā dard kā safar tanhā

ruk ruk ke dil hamārā be-tāb kyuuñ na hove
kasrat se dard-o-ġham kī rahtā hai us pe jhurmuT

ek kāñTe kī khaTak se dil mirā ābād thā
vo gayā to dil se mere dard kī rāhat ga.ī

itnā to maan rakh mirā, hijr kā dard chakh zarā
mujh ko tirā malāl hai, tū bhī mirā malāl kar

toḌ Daalā thā sabhī ko dard ke āzār ne
sah na paayā thā koī kirdār afsāne kā dukh

soz-e-'mānī' kā zamāne meñ hai kis ko ehsās
aaj phir dard mire pahlū meñ bekār uThā

zauq pe shauq pe miT jaane ko tayyār uThā
ishq kā dard liye phir tirā bīmār uThā

dil ne phir vaqt se laḌnā chāhā
phir vahī dard-bharī yaad aa.ī

dil-e-nādāñ tujhe huā kyā hai
āḳhir is dard kī davā kyā hai

hazār rañg meñ mumkin hai dard kā iz.hār
tire firāq meñ marnā hī kyā zarūrī hai

ilāhī dard ke qisse bahut haiñ vaqt thoḌā hai
shab-e-furqat kā dāman bāñdh de dāmān-e-mahshar meñ

safar kī raat hai 'nāsir' diloñ meñ
ajab ik dard sā Thahrā huā hai