Tags-Dard

umDā hai dariyā dard kā yā-rab mujhe rusvā na kar
aayā hai josh us deg kuuñ sar-posh ho sar-posh ho

har ek unvān-e-dard-e-furqat hai ibtidā sharh-e-mudda.a kī
koī batā.e ki ye fasāna sunā.eñ un ko kahāñ se pahle

marhamat kā tirī shumār nahīñ
dard bhī be-hisāb rahtā hai

kyuuñ huuñ 'sirāj' phir ham muhtāj-e-dil-navāzī
mil jaa.e māñge-jā.che kuchh dard agar kahīñ se

naam 'habīb'-e-muztar kā ma.alūm nahīñ sab kahte haiñ
dard-rasīda āfat-dīda vahshī bhī dīvāna bhī

jo dard dil meñ uThe aah khīñchne se Dare
vo aa.ina hai ki mauj-e-havā shikast kare

hamāre dard kā andāza us ko kyā hogā
ki ashk hote nahīñ haiñ vafā ke lahje meñ

havā udhar kī chalī bhī to dard mar na gayā
yahī huā hai ki kuchh zaḳhm ho chale haiñ mire

ḳhūgar-e-lazzat-e-āzār thā itnā 'ātish'
dard bhī māñgā to pahle se sivā māñgā thā

be-vaj.h kab hai pursish-e-hāl-e-shab-e-firāq
maqsad ye hai izāfa-e-dard-e-jigar kareñ

ik tum hī 'farāz' na the tanhā ab ke to balā vājib aa.ī
ik bhiiḌ lagī thī maqtal meñ har dard kā maarā us din thā

jab yaar ne raḳht-e-safar bāñdhā kab zabt kā paarā us din thā
har dard ne dil ko sahlāyā kyā haal hamārā us din thā

us ke ġham hī se hai har dard kā rishta ab tak
dil pe jab choT lage us ko duā dī jaa.e

be-qarārī hai vo aglī sī na vo dard-e-jigar
ab to kuchh kuchh tire bīmār kā haal achchhā hai

dard kā dil kā shaam kā bazm kā mai kā jaam kā
rañg badal badal gayā ek nazar ke saath saath

koī tūfān hai na ab koī talātum dil meñ
sāhil-e-dard pe Thahrā hai safīna apnā

dil meñ jo dard hai raah kī gard hai jhaaḌ de jo use vo baḌā mard hai
dekh le zindagī garm hai sard hai chhoḌ shikva-gila tū use bhuul jā

aaj tak sub.h-e-vatan yaad hai ham ko 'aḳhtar'
dard-e-hijrāñ kī qasam shām-e-ġharībāñ kī qasam

baras biite haiñ tab ye jaan paaya dard kyā hai
hamārī beTiyāñ kyuuñ yuuñ taḌaptī haiñ

dard ke itaab le dost use shumār kar
ḳhuun kā hisāb de zaḳhm iḳhtiyār kar