Tags-Dard

ma.āl-e-dard-o-ġham dekho sadā-e-sāz-e-ishrat bhī
utar jaatī hai jab dil meñ fuġhāñ mālūm hotī hai

raunaq faroġh-e-dard se kuchh anjuman meñ hai
ḳhūn-e-jigar ġharīb kā har bāñkpan meñ hai

maiñ un ke rañj ke qurbāñ maiñ un ke dard ke sadqe
jo har insān ke ġham ko ḳhud apnā ġham samajhte haiñ

nahīñ hājat hameñ ai chārasāzo chāra-sāzī kī
ham apne dard hī ko dard kā marham samajhte haiñ

vo dard de ki maut bhī jis kī davā na ho
is dil ko maut de jise achchhā kare koī

kahte haiñ husn hī kī amānat hai dard-e-ishq
ab kyā kisī ke ishq kā daavā kare koī

hijr kā dard kaThin hai phir bhī
vo bhī us roz bichhaḌ kar mujh se

dard kā naam samā.at ke liye rāhat-e-jāñ
dast-e-be-māya ko zar

kyā ḳhabar us kī samā.at ke liye
dard kā naam bhalā ho ki na ho

Duub jaatā hai mirā jī jo kahūñ qissa-e-dard
niiñd aatī hai mujhī kuuñ mire afsāne meñ

sunte hī ho ki ham āġhosh kahā hañs ke tujhe
dard-e-dil kī hai davā aur bhī darkār ki bas

kyuuñ na dil aise ko duuñ maiñ ne kal un se jo kahā
dard hotā hai mire dil meñ ye ai yaar ki bas

vahī dard-e-musalsal vahī sarf-e-duā maiñ
basar hotī huī shab basar hotā huā maiñ

ek tirā hī dil nahīñ ghāyal dard ke maare aur bhī haiñ
kuchh apnā kuchh duniyā kā ġham dekhne vaale dekhtā jā

tham gayā dard ujālā huā tanhā.ī meñ
barq chamkī hai kahīñ raat kī gahrā.ī meñ

sarhad-e-jāñ talak qalam-rau dil
is se aage nizām dard kā hai

jab bhī dard se dil taḌpegā TukḌe TukḌe hogī ruuh
kisī añdhere kamre meñ ham dil meñ dard samo leñge

galī ke moḌ pe bachchoñ ke ek jamghaT meñ
kisī ne dard-bhare lai meñ māhiyā gaayā

aur baḌhegā dard-e-dil raat jo bhiig jā.egī
dekh na vaqt kī taraf vaqt bhī chārāgar nahīñ

dard-shanās dil nahīñ jalva-talab nazar nahīñ
hādsa kitnā saḳht hai un ko abhī ḳhabar nahīñ