Tags-Dard

dard-e-dil baḌhāne ko ek lamha kaafī hai
dard-e-dil ghaTāne meñ vaqt chāhiye kuchh to

dil mahv-e-sadā-e-dard kyuuñ hai
ye arz-e-hunar-gudāz kyā hai

chubheñ āñkhoñ meñ bhī aur ruuh meñ bhī dard kī kircheñ
mirā dil is tarah toḌo ke ā.īna badhā.ī de

qayāmat hai diloñ ke darmiyāñ dīvār uThāte ho
diloñ ke dard kī hamsā.egī taqsīm hotī hai

dard kahtā hai kisī sā.at-e-tanhā meñ rahūñ
ik makāñ gahre samundar se pare māñgtā hai

DhūñDne nikle haiñ jis ko ilm ke sahrā meñ ham
dard-o-ġham kī rāh-e-abjad meñ kahīñ rahtā hai vo

dard-e-sar un ke liye kyuuñ hai mirā ijz-o-niyāz
mere sajdoñ se vo kyuuñ chīñ-ba-jabīñ hote haiñ

jab yaad kisī kī aatī hai ik barq sī lahrā jaatī hai
jab ham hī dard ke ḳhvāhāñ hoñ phir dard kā darmāñ kaun kare

ab dard-e-mohabbat ko ai dil minnat-kash-e-darmāñ kaun kare
ḳhud apne hī hāthoñ ulfat kā barbād gulistāñ kaun kare

'saif' itnā bhī na kar zabt ki phir un ke huzūr
ḳhāmushī dard kā iz.hār nazar aane lage

apnī qismat meñ mai-e-sāf to saaqī ma.alūm
kaash pheñke tū idhar durd-e-tah-e-jām kahīñ

dil ko phir dard se ābād kiyā hai maiñ ne
muddatoñ ba.ad tujhe yaad kiyā hai maiñ ne

zindagī itnī be-maza kyuuñ hai
dard-o-ġham se ye āshnā kyuuñ hai

kab koī chāñdnī meñ de āvāz
kab uThe dil meñ phir na jaane dard

dard kuchh aur de ke lauTe haiñ
aa.e the ham se jo baTāne dard

ḳhauf utnā ḳhushī kā thā ham ko
ban ga.e ziist ke bahāne dard

zikr-e-jānāñ ke baaġh se guzre
zaḳhm mahke hue suhāne dard

aa.e haiñ ghar mirā sajāne dard
kuchh na.e aur kuchh purāne dard

nashtar hai mere haath meñ kāñdhoñ pe mai-kada
lo maiñ ilāj-e-dard-e-jigar le ke aa gayā