Tags-Dhoka

fareb-e-ḳhūbī-e-nairañg dekhne ke liye
nikal paḌā huuñ tire sañg dekhne ke liye

'kamāl' jhuuT hai yaaro faqat fareb hai vo
'kamāl' sach ko abhī tak talāshtā huuñ maiñ

saare tamāshe ḳhatm hue log jā chuke
ik ham hī rah ga.e jo fareb-e-sahar meñ haiñ

fareb thā jo mujhe zo.am-e-be-karānī thā
udaas haiñ mire sāhil firāq-e-dariyā meñ

vo log the jo fareb-e-nazar ke matvāle
tamām umr sarāboñ ke pāniyoñ meñ jale

be-qarārī meñ bhī akasr dard-mandān-e-junūñ
ai fareb-e-ārzū tere sahāre so ga.e

detī rahī fareb unheñ bhī tirī vafā
āġhāz meñ bhī jin ko ḳhabar thī ma.aal kī

fareb-e-mudda.ī khāte haiñ kab ham
magar samjhā hai vo ahmaq kisī ko

samajh samajh ke bārhā ye ban pare kī baat hai
fareb in kī mehrbāniyoñ ke ham ne khaa.e haiñ

fareb de kar nikāle matlab sikhā.e tahqīr-e-dīn-o-maz.hab
miTā de āḳhir ko vaz-e-millat numūd-e-zātī ko gar baḌhā de

thak ga.e duniyā kī ḳhātir ḳhud ko de de kar fareb
aaj phir apne dil-e-nā-sāz kī bāteñ kareñ

jhuuT hī sahī vaada kyuuñ yaqīñ na kar lete
baat dil-fareb un kī dil umīd-vār apnā

adā.eñ sab fusūñ-ā.īñ na chhoḌeñ dil na chhoḌeñ diiñ
fareb-o-ishva sulh-āgīñ itāb-o-ġhamza jañg-āvar

fareb-e-jannat-e-fardā ke jaal TuuT ga.e
hayāt apnī umīdoñ pe sharmsār sī hai

baḌe ḳhulūs se chehre fareb dete haiñ
nigāh ban ke diloñ meñ samā sako to chalo

fareb-e-mashriq-o-maġhrib haiñ rahravān-e-jadīd
ye bad-nasīb na aaqil hue na dīvāne

qasam hai laala o gul ke udaas chehroñ kī
fareb de na sakā mausam-e-bahār mujhe

tirī jo āñkheñ haiñ talvār ke tale bhī idhar
fareb-ḳhurda hai tū 'mīr' kin nigāhoñ kā

nahīñ fareb-e-nazar ye yahī haqīqat hai
mujhe to shahr bhī sahrā dikhā.ī detā hai