Tags-Dhoka

ham had-e-indimāl se bhī ga.e
ab fareb-e-ḳhayāl se bhī ga.e

jinheñ 'hayāt' shu.ūr-e-hayāt hāsil hai
fareb dete nahīñ haiñ fareb khāte haiñ

iblīs ko fareb sikhātā rahā hai vo
aur shobade hazār dikhātā rahā hai vo

ye bhī samajh sakī hai na ab tak nigāh-e-shauq
tum ne kahāñ fareb diyā aur kahāñ rahe

aur kuchh din hai ye fareb-e-visāl
aur kuchh din ye ḳhush-gumānī hai

fareb-e-karam ik to un kā hai is par
sitam merī ḳhush-fahmiyāñ aur bhī haiñ

jo dil-fareb haiñ vahī manzar haiñ dil-nashīñ
kahne ko hoshiyār to tū bhī hai maiñ bhī huuñ

mujhe zamāne ne baḳhshī hai vo fareb kī mai
nasha to ek taraf hai ḳhumār bhī to nahīñ

isī fareb meñ rahtā ki paas hai manzil
sitam to ye hai ki rah meñ ġhubār bhī to nahīñ

itne fareb khaa.e haiñ dil ne ki ab mujhe
hotā hai jū-e-āb pe dhokā sarāb kā

usī se pūchh ke dekhūñ vo merā hai ki nahīñ
ab aur kitnā fareb-e-jamāl khā.ūñ maiñ

palaT ke haal na pūchhā fareb-kāroñ ne
ye dil ke saath mire ek aur ghaat jale

raat ke āḳhirī aañsū kī tarah Duub gayā
ḳhvāb-añgez nigāheñ vo lab-e-dard-fareb

bujhā bujhā sā hai qalb-e-sahrā bujhī bujhī sī hai reg-e-tābāñ
fareb khā.egī tishnagī kyā sarāb bhī bujh ke rah ga.e haiñ

makr-o-fareb le kar har shaḳhs dekhtā hai
dil sab se bhar gayā hai tanhā.ī chāhtā hai

fareb-o-kizb dariyā se maiñ be-ta.alluq huuñ
ba-juz ḳhulūs-o-vafā kuchh bhī mere paas nahīñ

sahar kā nuur hai tāroñ kā in.ikās nahīñ
fareb-ḳhurda ho tum yā ziyā-shanās nahīñ

husn kā āġhosh-e-rañgīñ dil-fareb-o-dilrubā
ilm se ban jaa.e aqlīdas kā mahz ik dā.era!

hai ek ḳhvāb mirī ḳhud-fareb āñkhoñ meñ
agar ye ḳhvāb mirī ruuh meñ utar jaa.e

nigāh-e-nāz kī māsūmiyat are tauba
jo ham fareb na khāte to aur kyā karte