Tags-Dhoop

ab yādoñ kī dhuup chhāñv meñ parchhā.īñ sā phirtā huuñ
maiñ ne bichhaḌ kar dekh liyā hai duniyā narm qadam na huī

uThne lagī hai shaam kī dīvār phir kahīñ
girne lagā hai dhuup kā ḳhema samajh liyā

zindagī dhuup meñ jalte hue kaaTī jis ne
saaya mil jaa.e koī us ko duā dī jaa.e

chhāñv kī tarah baḌhā bhī kiije
dhuup kī tarah na Dhalte rahiye

rañgīniyāñ shabāb kī itnī haiñ dil-fareb
bāloñ pe aatī dhuup dikhā.ī na de mujhe

lafz to lafz yahāñ dhuup nikal aatī hai
terī āvāz kī bārish meñ nahāne ke liye

mire ehsās ke sahrāoñ meñ jo dhuup baḌhtī thī
vo mausam kā ḳhudā ban kar ghaTā.eñ mujh ko detā thā

dhuup meñ tezī nahīñ
aise aatā hai har ik jhoñkā havā kā jaise

har taraf dhuup thī phailī huī uryānī kī
sar chhupāne ko kahīñ sāya-e-kirdār na thā

dhuup ke dasht kā darpesh safar hai mujh ko
saath dene ko magar koī parinda bhī nahīñ

mirī nigāh meñ rañgoñ kī dhuup chhāñv sī thī
hujūm-e-gul meñ vo kyā thā gulāb jaisā thā

ab ke apnī chhat bhī khulī hai dīvāroñ meñ dar haiñ bahut
bārish dhuup havā jo chāhe aa jaa.e āsānī se

ThiThure hue badan ko harārat na mil sakī
chhat par chaḌhe to dhuup ke saa.e simaT ga.e

vo shaḳhs jis ne umr guzārī thī dhuup meñ
ThanDak kī jā.edād mire naam kar gayā

tamām din mujhe sūraj ke saath chalnā thā
mire sabab se mire ham-safar pe dhuup rahī

ḳhvāb muTThī meñ liye phirte haiñ sahrā sahrā
ham vahī log haiñ jo dhuup ke par kāTte haiñ

nigāh o dil meñ ugī dhuup ko bujhātī huī
tumhāre hijr kī rānā.iyoñ meñ baiThī huuñ

dhuup ke sahrā meñ chal kar dekhnā
ābloñ kī shādmānī aur hai

ajiib shaan se utrī thī dhuup ḳhvāhish kī
maiñ apne saa.e se jaise lipaTne vaalā thā

ye kaisī dhuup ke mausam meñ ghar se niklā huuñ
ki har parinda mujhe sā.ebāñ dikhā.ī diyā