Tags-Dhoop

apnī dhuup meñ bhī kuchh jal
har saaye ke saath na Dhal

un ko na mil sakī tire ujle badan kī dhuup
jin ko ziyā-e-shams-o-qamar der se milī

sahrā meñ tez dhuup kā ehsās hī nahīñ
baaqī hai ek peḌ abhī āsare meñ huuñ

maiñ vaqt ke ḳheme se niklā...
to uljhanoñ kī chilchilātī dhuup meñ

niiñd TuuTī hai to ehsās-e-ziyāñ bhī jaagā
dhuup dīvār se āñgan meñ utar aa.ī hai

is baar phuul dhuup se nārāz the aziiz
sāya-farosh jitne bhī the be-hunar ga.e

to kab talak yūñhī sūraj tale rahegī dhuup
tire liye bhī koī sā.ebāñ talāsh karūñ

yuuñ dhuup se ghabrā ke maiñ saa.e meñ na baiThā
sākin hai agar peḌ to saayā mut.harrik

Das na le dekho kahīñ dhuup kā manzar mujh ko
tum ne bhejā to hai bal khātī saḌak par mujh ko

dhuup kī har saañs ginte shaam tak jo aa ga.e
chhāñv meñ vo kyā ji.eñ jiine kī aadat ke baġhair

dekhne meñ yuuñ ba-zāhir sab hamāre saath the
jab saroñ par dhuup aa.ī ham-safar koī na thā

jab āftāb-e-umr kī Dhalne lagegī dhuup
tab raushnī kā fan mire bāloñ meñ aa.egā

zahe-nasīb jagah thoḌī chashm-e-tar meñ milī
sulagtī dhuup meñ ik sard sā.ebān to hai

āftāb-e-garm se dast-o-garebāñ ho ga.e
dhuup kī shiddat se saa.e jab pareshāñ ho ga.e

kis zālim ne par peḌoñ ke kaaT diye
aag ugaltī dhuup meñ saaya kahīñ nahīñ

chaḌhte hī dhuup shahr ke khul jā.eñge kivāḌ
jismoñ kā rahguzār ravānī meñ aa.egā

koī na shāyad jaan sakegā sūraj kī matvālī chaal
shahr meñ kyuuñ hai dhuup kī shiddat bāhar kuchh aur andar kuchh

dhuup kī yūrish thī har ik samt se
sāya-e-dīvār se lipTā thā maiñ

amiir shaal do-shāloñ meñ garm-e-rāhat-o-aish
ġharīb ke liye jāḌoñ meñ zindagānī dhuup

gaañv kī samt chalī dhuup doshālā oḌhe
taaki bāġhoñ meñ ThiThurte ho.e phūloñ se mile