Tags-Dua

dhuñd meñ haath chhoḌne vaale
tujh ko mausam kī bad-duā lag jaa.e

vo faqīroñ ko navāzeñ na navāzeñ ai 'charḳh'
ham duā de ke chale ā.eñge apnā kyā hai

gul tujhe dekh ke gulshan meñ kaheñ umr darāz
shāḳh ke badle vahīñ dast-e-duā paidā ho

ham haiñ bīmār-e-mohabbat ye duā māñgte haiñ
misl-e-iksīr na duniyā meñ davā paidā ho

kabhī na chhū sakī bāb-e-asar duā merī
ajiib qahr-e-musalsal meñ mubtalā huuñ maiñ

duā de ishq ko ai zulm tū bhī zeb-e-pahlū hai
vagarna kaisā hī paikāñ ho lekin dil nahīñ hotā

nikal paḌā huuñ kisī ko mile batā.e baġhair
safar ba-ḳhair koī bhī duā nahīñ mire saath

hujūm-e-yās meñ maañ kī duā miltī rahī hai
ye daulat zindagī meñ bārhā miltī rahī hai

ālam-e-yās meñ ḳhvāboñ meñ utarnā terā
jaise bīmār ko jiine kī duā de koī

maiñ ḳhud zabān-e-shukr banā sar se paañv tak
Duube na kyuuñ asar meñ duā sar se paañv tak

bhalā-burā vo ḳhudā karegā
ġharīb to bas duā karegā

manzil pe bhī āsūda-e-manzil na huā dil
phir ham ko bhaTakne kī duā kyuuñ nahīñ dete

kaisī duā kahāñ kā asar kis kā mudda.ā
kuchh aag ke sivā mire dil meñ 'jigar' nahīñ

jiine kī duā dene vaale ye raaz tujhe ma.alūm nahīñ
taḳhlīq kā ik lamha hai bahut be-kār jiye sau saal to kyā

tumhārī bazm se jaatā hai nā-murād koī
safar-ba-ḳhair kī jān-e-vafā duā de do

soch rahtī hai aqīdat se sharābor sadā
narm lahje meñ duā vird-e-zabāñ ho ki na ho

kisī kī koī duā bhī na ho sakī puurī
kisī kisī kī duāoñ meñ nuur hotā hai

ban ga.ī hai maut kitnī ḳhush-adā mere liye
sar jhukā kar phuul karte haiñ duā mere liye

hukm-e-sharāb de to duā duuñ ki ai faqīh
mastoñ ke haath se tirī izzat bachī rahe

hārne vaale hai duā merī
merī har jiit haar ho jaa.e