Tags-Duniya

musībat meñ rahā karte haiñ jo bhī daana duniyā meñ
unhīñ ko pīstā hai charḳh-e-zālim āsiyā ho kar

muflisoñ kī bastī meñ vus.ateñ haiñ duniyā kī
aap utar ke dekheñ to apnī shah-nashīnoñ se

tajraboñ kī duniyā meñ ahl-e-ilm-o-hikmat ko
rif.ateñ milīñ 'farhat' fikr-o-fan ke zīnoñ se

mirī barbādiyoñ kā Daal kar ilzām duniyā par
vo zālim apne muñh par haath rakh kar muskurā de hai

dil ko ye samjhānā hai
duniyā pāgal-ḳhāna hai

sapnā hai ye jīvan aur
duniyā ik afsāna hai

ye duniyā kār-hā-e-ahmaqāna hī se chaltī hai
kisī mansab pe maiñ bhī baiTh kar kuchh ho rahā hūñgā

da.avā karūñgā dāvar-e-mahshar ke sāmne
duniyā se merī terī kashākash kā hal gayā

milā hai jis ko hasham qat-e-mā-sivā allāh
nazar meñ us kī ye duniyā kā karr-o-far kyā hai

garche duniyā ke hunar haiñ lekin
apne maiñ be-hunarī par ġhash huuñ

duniyā hī nahīñ ḳhud se ḳhafā rahtā huuñ 'arshad'
jiine kā ye andāz hī fan mere liye hai

nazar haTā bhī to saktī hai kam-nazar duniyā
vahīñ hai bhiiḌ jahāñ taḳhliya zarūrī hai

tere ḳhayāloñ ke parde se jab ġham-e-duniyā jhāñk uThā
ruk ga.ī jaise vaqt kī gardish ho ga.ī dil par bhārī raat

har ek moḌ pe duniyā ko ham ne dekh liyā
sivā.e kashmakash-e-rozgār kuchh bhī nahīñ

bāzyābī kī tavaqqo hī kisī ko nahīñ ab
apnī duniyā meñ huuñ is tarha se khoyā huā maiñ

bhalī lagegī yahī zindagī agar us meñ
ḳhayāl-o-ḳhvāb kī duniyā ko bhī shumār karo

bharosa ba.ad meñ kar lenā saarī duniyā par
tum apne aap par to pahle e.atibār karo

numūd-e-jism kī shorīda ḳhvāhisheñ duniyā
fishār-e-rūh ke nādīda valvale ham log

saḌak par Thokareñ duniyā kī vo khātā rahā barsoñ
use mandir meñ jab rakkhā vahī patthar mahaktā hai

ab 'falak' hai ik na.ī duniyā kī dil kī justujū
ye zamīñ dekhī huī hai āsmāñ dekhā huā