Tags-Duniya

terī galī ko chhoḌ ke jaanā to hai nahīñ
duniyā meñ koī aur Thikānā to hai nahīñ

maiñ girūñgā to isī ḳhaak se uTThegā koī
haq-parastoñ se ye duniyā kabhī ḳhālī huī hai

mere un sheroñ pe sar dhuntī rahegī duniyā
jin meñ timsāl-garī dekhne vaalī huī hai

mujh ko duniyā kī tijārat meñ yahī haath aayā
maiñ ne aañsū hī kamā.e tujhe aañsū dūñgā

maiñ ne bhī sīkhā hai duniyā se bahut
sīkhe mujh se bhī to ġham khānā koī

na ye duniyā na vo uqbā mirī to ik tamannā hai
rahūñ qadmoñ tale tere tū hī merā kināra ho

yuuñ taras khā ke na pūchho ahvāl
tiir siine pe lagā ho jaise

duniyā meñ kyā kisī se kisī ko ġharaz nahīñ
har koī jī rahā hai faqat zaat ke liye

duniyā sameTne ke talabgār haiñ bahut
rakkhā hai maiñ ne ḳhud ko bhī aksar sameT kar

hai dekhne kī chiiz jo bismil kā raqs bhī
duniyā ye chāhtī hai ki marne na de mujhe

vo daur-e-visāl aah kidhar hai ki ham aur vo
duniyā meñ na the nāma-o-paiġhām se vāqif

tamāsha-gāh-e-duniyā meñ batā.ūñ kyā ummīdoñ kī
tan-e-tanhā thā maiñ ai 'shād' aur reloñ pe relā thā

haman haiñ ishq mastāna haman ko hoshiyārī kyā
raheñ āzād yā jag se haman duniyā se yaarī kyā

ḳhalaq sab naam apne ko bahut kar sar paTaktā hai
haman gar naam sāñcha hai haman duniyā se yaarī kyā

ye to duniyā hai sabhī qism ke haiñ log yahāñ
har kisī ke liye tum aañkh bichhāyā na karo

koī din aur ġham-e-hijr meñ shādāñ ho leñ
abhī kuchh din meñ samajh jā.eñge duniyā kyā hai

duniyā meñ aur chāhne vaale bhī haiñ bahut
jo honā thā vo ho gayā afsos mat karo

dil meñ kasak aur lab par aaheñ aañkh meñ aañsū sar meñ saudā
husn kī duniyā ḳhandāñ ḳhandāñ ishq hai giryāñ apne vatan meñ

zinda raheñ to kyā hai jo mar jaa.eñ ham to kyā
duniyā se ḳhāmushī se guzar jaa.eñ ham to kyā

jitnā ki ye duniyā meñ hameñ ḳhvār rakhe hai
itne to gunahgār zamāne ke nahīñ ham