Tags-Duniya

hai duā hoñToñ pe aur haiñ ḳhvāhisheñ hāthoñ ke biich
kaam duniyā ke nikalte haiñ munājātoñ ke biich

mahakte ḳhuun se sahrā jale hue gulshan
nazar-fareb haiñ duniyā ke ye nazzāre kyā

ḳhush haiñ aise log duniyā meñ jo ḳhush-ḳhūrāk haiñ
aur un logoñ ke dastar-ḳhvān haibatnāk haiñ

vo bhī sach kahte haiñ 'aḳhtar' log begāne hue
ham bhī sachche haiñ ki duniyā kā chalan aisā na thā

panāheñ DhūñDne niklī thī duniyā
savā neze pe sūraj aa gayā hai

kisī ummīd pe duniyā meñ mujhe zinda rakho
aate ho aas bañdhāte ho chale jaate ho

Thahar ai jazba-e-be-tāb isī rañgīn duniyā meñ
laboñ kī surḳh mai se dil ke ḳhālī jaam ko bhar leñ

dil se duniyā kā jo rishta hai ajab rishta hai
ham jo TuuTe haiñ to kab shahr salāmat hogā

ik mashaqqat-zada aadmī kī tarah
maiñ haqīqat kī duniyā meñ

laakh shādāb ho ābād ho duniyā kā chaman
dil kī qismat meñ hai tanhā.ī ke kāñTe kī chubhan

tū hī batlā ki bhalā mere sivā duniyā meñ
kaun samjhegā in āñkhoñ ke tabassum kā gudāz

gumānoñ kā muqaddar hai bhaTaktā
yaqīñ ne har muhim duniyā kī sar kī

jitnī burī kahī jaatī hai utnī burī nahīñ hai duniyā
bachchoñ ke schōl meñ shāyad tum se milī nahīñ hai duniyā

chaar gharoñ ke ek mohalle ke bāhar bhī hai ābādī
jaisī tumheñ dikhā.ī dī hai sab kī vahī nahīñ hai duniyā

ghar meñ hī mat use sajāo idhar udhar bhī le ke jaao
yuuñ lagtā hai jaise tum se ab tak khulī nahīñ hai duniyā

bhaag rahī hai geñd ke pīchhe jaag rahī hai chāñd ke nīche
shor bhare kaale na.aroñ se ab tak Darī nahīñ hai duniyā

ye saarī jannateñ ye jahannam azaab o ajr
saarī qayāmateñ isī duniyā ke dam se haiñ

ḳhvāb uThā kar taaq pe rakkhe maiñ ne bhī
duniyā tere naaz uThā.e maiñ ne bhī

aate aate aa.ī hai duniyā-dārī
rañj usāre dard sañvāre maiñ ne bhī

rahtī duniyā meñ ishq kī duniyā
na.e unvān se munazzam hai