Tags-Duniya

duniyā meñ hai yuuñ to kaun be-ġham
pūchhe koī kyuuñ udaas haiñ ham

duniyā se laḌā.ī to azal hī se rahī hai
ab ḳhud se jhagaḌne kī bhī maiñ Thaan rahā huuñ

jo chāhe vo sitam mujh par ravā rakkhe ye duniyā
mujhe yuuñ bhī tavaqqo.a ab nahīñ kuchh bhī kisī se

jahāñ vaalo na maano tum magar sach hai ki duniyā meñ
baḌhāyā hai tah-e-ḳhanjar vaqār-e-āshiqī ham ne

an-sunī sī sadāoñ ke ghere meñ thā dekhte dekhte ghup añdhere meñ thā
vo mujhe pā ke duniyā ke baḳhshe hue sab ke sab khoTe sikke chalātā rahā

kār-e-duniyā ko haiñ darkār hamārī umreñ
kār-e-duniyā se to āzād nahīñ hone ke

badlī huī duniyā kī nazar dekh rahe haiñ
phaltā huā nafrat kā shajar dekh rahe haiñ

sharīfoñ kī aur shahryāroñ kī duniyā
kahīñ rel-pel aur kahīñ tañg-dastī

tumheñ fursat ho duniyā se to ham se aa ke milnā
hamāre paas fursat ke sivā kyā rah gayā hai

ġham-e-duniyā bhī ġham-e-yār meñ shāmil kar lo
nashsha baḌhtā hai sharābeñ jo sharāboñ meñ mileñ

apnī duniyā ke mah-o-mehr sameTe sar-e-shām
kar gayā jāda-e-fardā ke havāle mujhe koī

jo tujh se ḳhush-jamāl hai aur dil-fareb bhī
duniyā tire shabāb ke aage kuchh aur hai

maiñ ahl-e-duniyā se masrūf-e-jañg ho jā.ūñ
ki pichhlī raat milā hai mujhe ishāra-e-ḳhvāb

jab shu.ūr aayā to 'fāriġh' vus.at-fan ke liye
istifāda ham ne duniyā kī har ik shai se kiyā

saañp lapeTe ghuum rahā huuñ
duniyā mujh se ḳhauf-zada hai

ummīdeñ saarī duniyā se 'vasīm' aur ḳhud meñ aise ġham
kisī pe kuchh na zāhir ho to koī mehrbāñ kyuuñ ho

duniyā ke nek-o-bad se kaam ham ko 'niyāz' kuchh nahīñ
aap se jo guzar gayā phir use kyā jo ho so ho

mai-ḳhāne meñ mazār hamārā agar banā
duniyā yahī kahegī ki jannat meñ ghar banā

dhartī aur ākāsh kī duniyā meñ jīvan
do tūfānoñ meñ qaidī kashtī sā hai