Tags-Faith

kuchh jazb dil meñ jaan ke samjhe the un ko paas
ek vahm se yaqīn pe kyā kuchh gumāñ na thā

dushman harīf-e-rāh-e-vafā hai ḳhudā kī shaañ
vahāñ jis pe thā yaqīn mujhe us kā gumāñ na thā

tumheñ yaqīn thā ham dostī nibhā leñge
hameñ gumān thā jis kā vahī huā āḳhir

mizāj-e-husn-o-mohabbat meñ sādgī na fareb
na vo yaqīn rahā ab na vo daġhā.eñ rahīñ

haañ haañ tirā raqīb se be-shak hai rabt-zabt
rutba yaqīn kā hai ziyāda gumān se

mirī mohabbat kī dāstāñ ko gad.he kī mat sarguzisht samjho
maiñ 'kirshn-chandr' nahīñ huuñ zālim yaqīn tum ko dilā rahā huuñ

kar ke yaqīn phir se ki maiñ mushkiloñ meñ huuñ
Thahrā nahīñ vo shaḳhs dobāra guzar gayā

yaqīn kis pe kareñ kis ko dost Thahrā.eñ
har āstīn meñ poshīda koī ḳhanjar hai

yaqīn kaise karūñ maiñ 'bāno'
sukūn kyā de sakeñ dilāse

so yaqīn hai merā
jis aziim saa.at meñ

udaas āñkhoñ ke bādaloñ ne diloñ ke gard-o-ġhubār dho.e
yaqīn patthar banā khaḌā hai gumān paanī meñ bah rahā hai

ye mujh ko us ke taġhāful se hai yaqīn ki haa.e
javāb-nāme so ai naame kā javāb nahīñ

kisī gumān-o-yaqīñ kī had meñ vo shoḳh-e-parda-nashīñ nahīñ hai
jahāñ na samho usī jagah hai jahāñ samajh lo vahīñ nahīñ hai

jis ko ab bhī ho siyāsat pe yaqīn
us ko ye mulk dikhāyā jaa.e

ḳhushā vo raunaq-e-hañgāma-e-visāl ab to
yaqīn hī nahīñ aatā ki yuuñ huā hogā

vo apnā chehrā agar dikhā.e yaqīn andhoñ ko ḳhaak aa.e
pukārtī hai ye be-hijābī ki maiñ azal se hijāb meñ huuñ

jin se zinda ho yaqīn o āgahī kī aabrū
ishq kī rāhoñ meñ kuchh aise gumāñ karte chalo

tumheñ pyaar hai, to yaqīn do,
mujhe na kaho, tumheñ pyaar hai, mujhe dekhne kī na zid karo,

gumāñ thā yā tirī ḳhushbū yaqīn ab bhī nahīñ
nahīñ havā pe bharosa to kuchh ajab bhī nahīñ

yaqīn jaano ye mere bāloñ meñ gard dekho
maiñ shahr vaalā tumhāre gaañv meñ rah chukā huuñ