Collections

Lab Shayari

Motivational Ghazals

Best Khamoshi Shayari

More Collections

Tags-Faith

udaas raat kī sargoshiyoñ ke ba.ad agar
sahar jo aa.ī to kis ko yaqīn aa.egā

ye kya zarur hamin ko wo aazmaega

ab us kī vāpsī mumkin nahīñ kisī bhī tarah
yaqīn se kahīñ vo bad-gumāñ ziyāda hai

qalam mein raushni kam aur dhuan ziyaada hai

yaqīn bhī thā use hijr kā magar phir bhī
sabā ke pahlū se lipTī bahut chaman kī ḳhaak

mujhe ba-faiz-e-tafakkur hua hai ye idrak

yaqīn jāno!
bahut duur bhī nahīñ vo ghaḌī

suna hai maine

merā chehra jaisā thā vaisā dikhāyā ai 'zamīr'
sab yaqīn ā.īna-e-be-bāk par haiñ aaj bhī

KHak-zade KHak mein ya KHak par hain aaj bhi

khul ke ro.e haiñ to yaqīn aayā
vāqa.ī jān-dār the ham to

bar-sar-e-rozgar the hum to

aatā nahīñ yaqīn ki un ke ḳhayāl meñ
phir āftāb ban ke ubharne lagā huuñ maiñ

yaro hudud-e-gham se guzarne laga hun main

isī yaqīn par har zulm sahte rahte haiñ
ki shāḳh-e-sabr pe ik din samar bhī aa.egā

ek aisa moD sar-e-rahguzar bhi aaega

yaqīn hogā hameñ ab tumhāre hone kā
lo ham ne uñgliyāñ jalte charāġh par rakh diiñ

jo zimmedariyan qismat ne mere sar rakh din

'ārif' zabān us kī na detī thī dil kā saath
inkār kar ke aa.egā mujh ko yaqīn thā

manzar jhalakte chand ka kitna hasin tha

to phir yaqīn kī sarhad meñ vaar kar mujh par
gumāñ kī dhund meñ jab tiir uchaTne vaalā hai

safar sarabon ka bas aaj kaTne wala hai

ḳhud apne hone pe mujh ko yaqīn hai lekin
maiñ dekhtā huuñ gumāñ se yaqīn kī jānib

shikasta jism darida jabin ki jaanib

mohabbat irtibāt-e-qalb se mashrūt hotī hai
yaqīn-o-rabt ke ib.hām ho jaane se Dartā huuñ

tasawwur munkashif-az-baam ho jaane se Darta hun

ḳhā lī shikast fat.h-e-mubīñ ke yaqīn se
haañ 'nūr' ab ke himmat-e-mardāñ liye hue

maqtal mein apni maut ka arman liye hue

use yaqīn ki maiñ jaan de na pā.ūñgā
mujhe ye ḳhauf ki ro.egā aazmā ke mujhe

suragh bhi na mile ajnabi sada ke mujhe

kisī gumān ke sahrā meñ kaisī ḳhaak uḌī
kisī yaqīn kā partav ubhar gayā kaisā

badan ki aanch se chehra nikhar gaya kaisa

agar yaqīn nahīñ hai najābat-e-mai par
to laakh piite raho tishnagī nahīñ jaatī

huzur-e-yar bhi aazurdagi nahin jati

ujaaḌ shahar ke raste jo ab sunāte haiñ
yaqīn kartā hai kab un kahāniyoñ pe koī

ajib saneha guzra hai in gharon pe koi

tirī nigāh-e-karam kī qasam hai ab bhī mujhe
yahī yaqīn ki duniyā badal to saktī hai

hawa zamane ki saqi badal to sakti hai

duā kā dar to sabhī ke liye khulā hai magar
jise yaqīn ho is par savāl kartā hai

zara si baat ho kya kya sawal karta hai