Tags-Faith

is kā yaqīn aaj bhalā kis ko aa.egā
ik dhīmī dhīmī aañch meñ jalne lage haiñ ham

mire yaqīn meñ gunjā.ish-e-dalīl nahīñ
javāz DhūñDne vaale kitāb le aa.e

jab āh-e-garm chalī dil se saath dauḌe ashk
huā yaqīn ki kām-o-dahan meñ aag lagī

ise tabarruk-e-hayāt kah ke palkoñ par rakhūñ
agar mujhe yaqīn ho ye rāste kī gard hai

maiñ kaise us ke likhe par yaqīn kar letā
qalam bhī girvī thā jis kā amiir ke aage

mirā yaqīn thā hadd-e-gumān ke andar
kabhī bhī sochā nahīñ hai lakīr ke aage

ajab yaqīn sā us shaḳhs ke gumān meñ thā
vo baat karte hue bhī na.ī uḌaan meñ thā

mujhe yaqīn hai manzil vo 'sād' pā.egā
ho jis ke dil meñ lagan aur sachchī ḳhvāhish ho

yaqīn thā ki na aa.egā mujh se milne koī
to phir ye dil ko mire intizār kaisā hai

us ke yaqīn-e-husn kā husn-e-yaqīñ to dekhiye
ā.īna dekhtā hai vo apnī nazar utaar kar

alāmateñ haiñ ye sab ek mard-e-kāmil kī
ḳhulūs-e-rūh o yaqīn-e-tamām o soz-e-darūñ

basīratoñ pe ujāloñ kā ḳhauf taarī hai
mujhe yaqīn dilāo baḌā añdherā hai

agar na miltā mujhe shaam māh-e-āvāra
yaqīn maano maiñ ghar raat tak pahuñch jaatā

mirā yaqīn ki duniyā meñ huuñ akelā maiñ
sadā-e-dil mujhe kahtī hai ġham-nashīñ koī hai

tulū-e-imkān-e-ārzū par yaqīn rakhtī hai ek duniyā
magar ye be-kār ḳhvāhishoñ kī numūd ik zahr ke liye hai

tum ḳhush the pattharoñ ko ḳhudā jaan ke magar
mujh ko yaqīn hai vo tumhārā qayās thā

jin kā yaqīn rāh-e-sukūñ kī asaas hai
vo bhī gumān-e-dasht meñ mujh ko phañse lage

jo puure hone se rah ga.e the vo ḳhvāb rakkhe hue haiñ ghar meñ
yaqīn maano purānī rut ke gulāb rakkhe hue haiñ ghar meñ

maiñ ghar ko phūñk rahā thā baḌe yaqīn ke saath
ki terī raah meñ pahlā qadam uThānā thā

chāhiye ḳhud pe yaqīn-e-kāmil
hausla kis kā baḌhātā hai koī