Tags-Falak

daulat kā falak toḌ ke aalam kī jabīñ par
mazdūr kī qismat ke sitāre nikal aa.e

libās-e-māh meñ 'ehsān' dekh kaun aayā
nigāh-e-sū-e-falak ḳhānumāñ-ḳharāb uThā

khol aañkh zamīñ dekh falak dekh fazā dekh!
mashriq se ubharte hue sūraj ko zarā dekh!

zer-e-falak to ham se jaatī nahīñ tamannā
haañ phir falak pe jāveñ jab ham se jā-e-matlab

aahoñ ke kūdkoñ ne chhalnī kiyā yahāñ tak
saqf-e-falak ko chhattā zambūr kā banāyā

zamīñ se tā-ba-falak dhund kī ḳhudā.ī hai
havā-e-shahr-e-junūñ kyā payām laa.ī hai

ai falak aur nahīñ kuchh havas-e-dil un se
hāl-e-dil apnā kiyā chāhūñ huuñ iz.hār faqat

ab to fariyād kī tāqat na rahī ai 'sho.ala'
varna har naala falak se thā muqābil apnā

bejā nahīñ gar us kā falak par dimāġh ho
yaaro zamīñ pe vo mah-e-tābāñ hai dūsrā

kahīñ giraft nahīñ koī isti.ārā nahīñ
navāñ falak huuñ ki jis par koī sitārā nahīñ

merā paidā.eshī ghar hai mujhe rahnā hai yahīñ par
ek mailā sā falak hai to mire sar pe abhī tak

hamīñ vo the ki hotī thī basar phūloñ ke ġhunche meñ
hamīñ ab ai falak tinke chuneñ be-āshiyāñ ho kar

falak na duur rakh us se mujhe ki maiñ hī nahīñ
darāz-dasti-e-qātil ke imtihāñ ke liye

maiñ ne parvāz likhī hadd-e-falak se aage
aur be-bāl-o-parī ko bhī nihāyat likhkhā

bhūle haiñ gardish-e-mīnā-e-falak kā nairañg
ahl-e-zar jitne haiñ mast-e-mai-e-pindār haiñ sab

nahīñ sitāre ye sūrāḳh paḌ ga.e haiñ tamām
falak harīf huā thā hamārī aahoñ kā

inhī ġhamoñ kā vo ik din hisāb māñgegā
falak se jo mire kashkol meñ paḌā ab tak

yuuñ sar uThā ke dekh na tū jānib-e-falak
ye tāj-e-tamkanat na gire tere sar se dekh

ham garche falak-parvāz bhī haiñ aur tāroñ ke hamrāz bhī haiñ
sayyād pe aayā rahm hameñ ḳhud shauq se zer-e-dām aa.e

falak ne jab kiyā hamla mirī shāḳh-e-nasheman par
jo dushman sāmne aa.e vo apne ham-nashīñ nikle