Tags-Falak

kar ke barbād use kis ko basā.egā falak
kyā koī aur bhī hai shahar basān-e-dehlī

falak ke khet meñ khilte sitāre
zamīñ par aag barsāne lage haiñ

tū apne paañv kī mehñdī chhuḌā ke de ai mahr
falak ko chāhiye ġhāza ruḳh-e-qamar ke liye

ai falak chhoḌ de be-yār-o-madadgār hameñ
dam ghuTā jaatā hai ab terī nigahbānī se

agar tum ġhaur se dekho ruḳh-e-mahtāb kam paḌ jaa.e
falak par ik sitāre kī jabīñ itnī kushāda hai

falak ne ranj tīr-e-āh se mere ze-bas kheñchā
laboñ tak dil se shab naale ko maiñ ne niim ras kheñchā

qafas meñ bhī vahī ḳhvāb-e-pareshāñ dekhtā huuñ maiñ
ki jaise bijliyoñ kī rau falak se āshiyāñ tak hai

bahut se zaaġh o chuġhdoñ kā thā ġhul ġhauġhoñ kā ġhauġhā thā
falak kī jaan ko ro kar maiñ apnā sar le phir aayā

vo sarzamīñ kahāñ ki na ho gardish-e-falak
mumkin nahīñ ki bach ke raheñ āsmāñ se ham

maiñ chāñd ke paas jā ke dekhūñgī āsmāñ se pare kā manzar
rahe tajassus falak pe khiḌkī jo ye khulī hai bahut bhalī hai

gard-ālūd darīda chehra yuuñ hai maah o saal ke ba.ad
jaise falak bārish se pahle jaise zamīñ bhauñchāl ke ba.ad

binā-e-arz-o-falak harf-e-ibtidā huuñ maiñ
bikhar gayā to samajh lo ki intihā huuñ maiñ

ek golī ga.ī thī sū-e-falak
ik parinde ke bāl-o-par aa.e

koī nahīñ jo miTā.e mirī siyah-baḳhtī
falak pe kitne sitāre haiñ jagmagā.e hue

falak pe chāñd ke haale bhī sog karte haiñ
jo tū nahīñ to ujāle bhī sog karte haiñ

mohtasib sañg liye haath meñ aur sū-e-falak
dam-ba-dam chashm-e-dahan se nigarāñ hai shīsha

maiñ uThā to falak se bahut chāñd taare gire
aur sahrā-e-jāñ meñ bahut ġham-e-ġhubār uThā

ye falak-zād kī kahānī hai
is ko pastī se ishq ho gayā hai

lab-e-mantiq rahe koī na chashm-e-lan-tarānī ho
zamīñ phir se murattab ho falak par nazar-e-sānī ho

zamīñ par bhī detā nahīñ chain ham ko
falak tujh se jaur-o-sitam dekhte haiñ