Tags-Falak

ai falak kah to kyā irāda hai
aish ke ḳhvāst-gār ham bhī haiñ

de daad ai falak dil-e-hasrat-parast kī
haañ kuchh na kuchh talāfī-e-māfāt chāhiye

ek naale meñ phiregā mehr-o-mah ko DhūñDhtā
ai falak mat chheḌ mujh ko huuñ azā-dār-e-firāq

falak ke na in māh-pāroñ ko dekho
jo miTTī meñ haiñ un sitāroñ ko dekho

tumhāre ruḳh se kuchh achchhā mah-e-tamām nahīñ
tumhāre qasr se ūñchā falak kā baam nahīñ

falak taktā rahā hairat se us kā muñh
zamīñ letī rahī raftār ke bose

ajab us zamīñ kī fazā hai
ajab aaj rañg-e-falak hai

pur-armān ahbāb duniyā se uTThe
falak ne nikālī na hasrat kisī kī

zindagānī kā maza zer-e-falak ab na rahā
yā-rab aisā ho ki mil jaa.e kahīñ paaT se paaT

hai tujhe ḳhāna-ḳharābī hī agar madd-e-nazar
kījiyo ai falak us ḳhāna-bar-andāz se ramz

lālach asar kā ho na kahīñ bā.is-e-zarar
Takrā ke sar falak se na khā jaa.e aah choT

falak se hañgām-e-sher-goī sadā.eñ paiham ye aa rahī haiñ
ki aaj ai 'josh' nukta-parvar tirā sā jaadū bayāñ nahīñ hai

falak kī samt uchhālī thī jal-parī maiñ ne
sitāre haath meñ le kar palaT rahī hogī

sahar ke vaqt jab sūraj nikalnā chāhtā hai to
falak kī god meñ tāroñ kā lashkar TuuT jaatā hai

kyā mātam un ummīdoñ kā jo aate hī dil meñ ḳhaak huiiñ
kyā ro.e falak un tāroñ par dam bhar jo chamak kar TuuT ga.e

fan ko samajh liyā gayā mahz atiyya-e-falak
sa.ī-o-riyāz kā sila ḳhuub diyā gayā mujhe

sitāroñ kā sahārā le ke dhartī baiTh jaatī hai
falak ko dekh kar jis dam ġharībī muskurātī hai

jo nuur bharte the zulmāt-e-shab ke sahrā meñ
vo chāñd taare falak se utar ga.e shāyad

us ko falak ne luuT ke barbād kar diyā
ham rahne vaale haiñ usī ujḌe dayār ke